سلام سنڌي ڀائرون ۽ ڀينرون، اميد ته سڀ چاڪ ھوندؤ ، نالو منھنجو راجا آُھي، منھنجو تعلق ملڪاڻي شريف ڊسٽرڪٽ بدين سان آھي مان ھڪ شاگرد آھيان ۽ انشاالله رب جي حڪم ساڻ زندگي ڀر پنُھنجي علم جي اُڃ برقرار رکندس، سنڌ سلامت ويپ تي آمد ٻه ڏينھن اڳ ٿئي ماشاالله اسان جي انتظاميه سنڌي ڀائرن جي محنت جي جيتري ھاڪ ڪجي اُھا گھٽ چئبي جن ملي ڪري اسان سنڌين کي انٽرنيٽ وسيلي ھڪ ڪري پاڻ ۾ ايڪتا جو چٽو ثبوت ڏنو اٿن. سائين الطاف شيخ صاحب به جڏھن پنھنجو ڪو آرٽيڪل فيس بڪ تي شيئر ڪندا آھن ته ھيٺ سنڌ سلامت ويپ جي لنڪ ڏيڻ نه وساريندا آھن، سائين الطاف شيخ صاحب جا ٿورائتا آھيون جيڪي نه صرف پنھنجا آرٽيڪل فيس بڪ ذريعي پڙھائيندا آھن پر ھيٺ اھڙين ويپ سائيٽن جو احوال پڻ ڏين ٿا جن سان سنڌي ماڻھن کي سنڌي سائيٽن جي خبر پوي ٿي، برالحال جئين تئين ڪري سنڌ سلامت ڊاٽ ڪام تي اڪاوٽ کوليوسين ته ڏٺم ھت ته اھڙا معزز شخص به آھن جن جي ڪري اسان ھن مقام تي آھيون انھن مان ھڪ منھنجو پيارو استاد سر رياض ملڪاڻي به آھن ۽ وري ٻي طرف ادا يونس ملڪاڻي، ادا حفيظ لغاري، ادا شاھجان لغاري آھن جن صاحبن کي ننڍي ھوندي کان عزت جي نگاھ سان ڏسندا پيا اچون. ۽ ھنن ادڙن به سنڌ سلامت تي پاڻ مڃرايو آھي. سنڌ سلامت تي تعارف ڪرائڻ پھرين نه پئي چاُھيم وري دل تي ھٿ رکي چيم آل از ويل ڪجھ پنھنجي باري ۾ دوستن کي ٻڌائجي ته بھتر رھندو، وري به اگر ڪنھن ڀائر کي منھنجي آمد خلاف ڪو اعتراف آھي ته حڪم ڪن. دعائن ۾ ياد
خيرپور گنبوهه جي ملڪاڻي سان تعلق رکندڙ راجا کي سنڌ سلامت تي دل سان ڀليڪار ملڪاڻي مونکي ان ڪري به عزيز آهي جو منهنجو دوست حفيظ لغاري اتان جو آهي ۽ حفيظ جي ڪري ئي منهنجي يونس، رياض ۽ شاهجهان لغاري سان ملاقات ٿي ۽ نه صرف اهو پر حفيظ جو والد صاحب چاچو علينواز منهنجي ويجهن دوستن مان آهي. مان ملڪاڻي ته آيس ۽ رات به رهيس پر اتان جي ماڻهن سان ملي نه سگهيس ۽ علائقي کي وقت نه هجڻ سبب گهمي نه سگهيس. وري جڏهن رب گهريو ته تفصيلي دورو ڪبو ۽ سنگت سان خوب حال احوال ڪبا. اوهان اسان جي ساٿ ۾ شامل ٿيا آهيو اسان کي خوشي ٿي آهي.
