ادا ماستر ڪا خبر چار ڏي

[رياض ملڪاڻي]

ادا ماستر ڪا خبر چار ڏي دلاسو دڙو دل کي دلدار ڏي


سڃاين اوهان کي ستايو ته هوندو

گھڻو قرض وارن تپايو ته هوندو

غمن ڀي اوهان کي ورايو ته هوندو

نئون سور دل ۾ سمايو ته هوندو

خبر صاف کولي اڙي يار ڏي ادا ماستر ڪا خبر چار ڏي


ملن ڪون ٿيون ڇو؟ اوهان کي پگھارون

ڏسان دربدر ٿو اوهانجون قطارون

رڙيون روز دانهون ڪيو پيا پڪارون

ڏين ٿا ڪي قرضي اوهان کي ميارون

خدا شل ڪري خير سرڪار ڏي،

ادا ماستر ڪا خبر چار ڏي

توهان جا ٻچا بک ۾ مرندا ته هوندا

ڏکن ۾ سندن هنياءُ ڏرندا ته هوندا

سندن نيڻ پاڻي سان ترندا ته هوندا

ڳڻي روز ڳڻتيون سي ڳرندا ته هوندا

سچي دل سندا اڄ تون اظهار ڏي ادا ماستر ڪا خبر چار ڏي


سڄو ڏينهن مٿو پيا هڻو ٿا اجايو

اوهان تي نه ڪنهن کي اڃا قياس آيو

زماني جي گردش اوهان کي منجھايو

سودائي ٿيو غمگين اڳئين کان سوايو

ڪيو ڪنهن نه ڪو خيال گفتار ڏي ادا ماستر ڪا خبر چار ڏي

 

[بختاور ٽالپر]

انهيءَ تي منهنجي بابا جي ڊائري مان ورتل اڌوري شاعري ياد اچي وئي

ماستر

ڪيئن چري کي چور چوڪري،
چوري چاڪ ٻڌي سگهيندين تون،

هوري هوري سوچيان ويٺو،
مستقبل تي لوچان ويٺو،

آئون به ته هڪڙو ماستر آهيان،
چنڊ ٽڪن تي ٻار پڙهيان

تن جا به ڪي ويچار آهن
الٽو لٽو مرڻو پرڻو.....

بس اڳتي ياد نٿو اچي............................

 

[بختاور ٽالپر]

پر ادا اوهان ۽ اسان 10 سال اڳ جي ماسترن جي ڳالهه پيا ڪيون جيڪي 6 هزار 7 هزار 15 هزار تائين گذر ڪندا هئا.. هن وقت جي ماسترن جي ڳالهه ڪريو جيڪي ٽڪا نه هزارين ڪمائين ٿا سو به 5 هزار 1 لک تائين... پوءِ به تعليم جو ٻيڙو ٻڏيل آهي

 

[عبدالجبار شاھ راشدي]

بهترين........................
ماستر زندھ آباد

 

[رياض ملڪاڻي]

ادي بختاور لا عرض آهي ته ڊاڪٽر، انجنيئر جيڪو پگهار کڻن ٿا ڇا ماستر کي به اوترو ئي ملي ٿو. حالانڪه اهو ماستر ئي آهي جنهن انهن کي بيسڪ تعليم ڏيئي ان اسٽيج تي پهچايو آهي اڄ جو عام اين جو او جو ٽيم ليڊر يا سوشل موبلائزر 30000 کان 40000 کڻي ٿو پيو ان جا تي ماستر کي 16000 يا ڪجهه اوترا ملن ٿا ( پرائمري ماستر جي ڳالهه پئي هلي) . ڀلا ٻڌايو ان ماستر ويچاري جا ڪهڙا حال هوندا. فيملي به وڏي جنهن ۾ ٻارن کي تعليم ڏيارڻ ، ڪاليج يا يونيورسٽيز ۾ فيس ڀرڻ لا ويچارو ماستر ڇا ڪندو. عام نارمل فيمليز جو به مهيني جو تقريبن خرچو 18000 کان ويهه هزار آهي. فيصلو توهان ڏيو.