مان اعتراف ٿو ڪريان ته ڀٽ شاھ ۾ سنڌي ادبي سنگت جي مرڪزي چونڊ ۾ ٽاس ذريعي فيصلو قبولڻ منهنجي غلطي هئي. اصل ۾ ٿيو ايئن هو جو ان چونڊ ۾ منهنجي مقابلي ۾ ڊاڪٽر شمس سومرو بيٺل هو ۽ اسان ٻنهي جا ووٽ برابر يعني 175 ٿيا. انور پيرزادو ۽ بدر ابڙو چونڊن جا نگران هيا. اهي به ٻڏتر ۾ پئجي ويا ته ڇا ڪجي. نيٺ آئين موجب فيصلو ٽاس ذريعي ڪيو ويو. جنهن ۾ مان هارائجي ويو هوس. انهيءَ چونڊ جي حوالي سان تڏهن امير بخاريءَ هڪ اخبار ۾ مضمون لکيو هو ته ترقي پسند ادبي تنظيم جي چونڊن جو فيصلو به تقدير تي ڇڏيو ويو. انهيءَ روشني ۾ مان سمجهندو آهيان ته ٽاس ذريعي فيصلو قبول ڪرڻ منهنجي غلطي هئي.
