مان اعتراف ٿو ڪريان ته....................... زيب سنڌي

[منصور سرور]

اعتراف ٿو ڪيان ته مان ڪڏهن به سٺو شاگرد نه رهيو آهيان، جنهن ڪري مون ميٽرڪ سيڪنڊ ڪلاس، انٽر ٿرڊ ڪلاس ۽ بي اي به ٿرڊ ڪلاس ۾ پاس ڪئي هئي. ايم اي سنڌي ۾ به پوزيشن فقط ان ڪري آئي هئي جو ادب سان دلچسپي هئي.

مان اعتراف ٿو ڪيان ته ميٿميٽڪ جو سبجيڪٽ مون کي بلڪل نٿو اچي، جنهن ڪري پرائمري سطح جا ونڊ ۽ ضرب جهڙا حساب به اڄ تائين مون کي ڪرڻ نٿا اچن.

مان اعتراف ٿو ڪيان ته مون پنهنجي ابتدائي ادبي زندگيءَ ۾ ڪيتريون ئي بيڪار ڪهاڻيون لکيون هيون.

مان اعتراف ٿو ڪيان ته مون سدائين ريڊيو جي پاليسيءَ جي ڀڃڪڙي ڪئي آهي ۽ اڄ تائين بنا اسڪرپٽ جي پروگرام ڪندو رهيو آهيان