شهيد بشير قريشيءَ جي نانءِ ڌرتيءَجولڄِپالُ شاعرمنظورمنگي تون لعلُ اسانجي ڌرتيءَ جو. لڄپالُ اسانجي ڌرتيءَ جو. توکي ڀَرِجَهلُ ڀاءُ بشيرُ چوان، توکي اَرڏو پُٽُ اميرُ چوان،توکي سنڌُ ڌرتيءَ جو ٿو خَميرُ چوان، سنڌي قومَ جو توکي ضميرُ چوان، تون لعلُ اسانجي ڌرتيءَ جو. لڄپالُ اسانجي ڌرتيءَ جو. تو ماروئڙنِ کي مانُ ڏِنُئِي، سِرُ ڏئِي سنڌ کي سِردانُ ڏِنئِي، ۽ دِلِ وارن کي دانُ ڏنئِي، ها عِشِقُ به عاليشانُ ڏنئِي، تون لعلُ اسانجي ڌرتيءَ جو. لڄپالُ اسانجي ڌرتيءَ جو. ها ڏاهرَ جو همراھُ به تون، هوشُو ۽ بلاولُ ڀاءُ به تون، درياخانُ،عنايتُ شاھُ به تون، ها هيمُون،سُورهيُه شاھُ به تون، تون لعلُ اسانجي ڌرتيءَ جو. لڄپالُ اسانجي ڌرتيءَ جو. تون دودو پُٽُ دِلِ وارو آن لطيفَ جوسُرُ ڪيڏارو آن، سامِيءَ۽ سچلَ جو پيارو آن، جِي_ايمَ جي اَکيُنِ جو تارو آن، تون لعلُ اسانجي ڌرتيءَ جو. لڄپالُ اسانجي ڌرتيءَ جو. ماضي،مستقبل،حالُ به تون، تاريخَ جو خاصوخيالُ به تون، آزاديءَ جو اَحوالُ به تون، ۽ روئندَنِ جو رکوال به تون، تون لعلُ اسانجي ڌرتيءَ جو. لڄپالُ اسانجي ڌرتيءَ جو. تو جانِ آ وارِي جَسُ هُجَئِي، تو قومَ جيئارِي جَسُ هُجَئِي، ڌرتيءَ جا پُوڄارِي جَسُ هُجَئِي، تنهنجِي پِرِيتِ نِيارِي جَسُ هُجَئِي، تون لعلُ اسانجي ڌرتيءَ جو. لڄپالُ اسانجي ڌرتيءَ جو.
