*پيپلز پارٽي پاران خيرپور ميرس جي نوجوانن سان سنگين مذاق* شهيد ذوالفقار علي ڀٽو جي پارٽي پاران عوام جي تذليل جو هڪ انوکو واقعو اڄ ان وقت سامهون آيو جڏهن سنڌ جو تعليم وارو وزير نثار احمد کهڙو 2 سالن کان ماستري جي آفر آرڊر جو انتظار ڪندڙ غريب عوام ۾ نيٺ اڄ صبح جو 9 بجي خيرپور ميرس جي گورمنٽ گرلز هائير سيڪنڊري اسڪول ۾ آفر آرڊر ڏيڻ لاءِ اچي پيو. خيرپور ضلعي جي 8 تعلقن سان تعلق رکندڙ هزارين مرد ۽ عورت اميدوارن جي خوشي ان وقت ڏسڻ وٽان هئي جنهن وقت هو صبح جو آفر آرڊر وصول ڪرڻ لاءِ اچي ڄاڻايل هنڌ پهتا. منجھند جو 1 بجي تائين تعليم واري وزير صاحب جو انتظار ڪندڙ اهي اميدوار شايد ان ڪري به ٿڪجن نه پيا ڇاڪاڻ ته کين پنهنجي روزي لاءِ در کلڻ جي اميد نظر پئي آئي. نيٺ ساڍن چئن ڪلاڪن کانپوءِ 1.30 بجي نثار احمد کهڙو نمودار ٿيو ۽ ان رنگارنگ تقريب ۾ سندس شاندار آڌرڀاءُ پڻ ٿيو پر افسوس جو هن پنهنجي تقرير ۾ اهو چئي اميدوارن جي ارمانن تي پاڻي ڦيري ڇڏيو ته “وزيرِ اعليٰ صاحب جو شهر هئڻ ڪري مان ان جي غيرحاضري ۾ اوهان کي آفر آرڊر نه ٿو ڏئي سگھان ڇاڪاڻ ته سيد قائم علي شاهه جو هجڻ لازمي آهي پر اهو ڪجھ مصروفيتن سبب هتي نه اڇي سگھيو جنهن سبب وري ڪڏهن ٻئي دفعي اوهان کي آرڊر ڏنا ويندا” تعليم واري وزير جي اهڙي ڳاهه تي جڏهن ڪجھ نوجوانن احتجاج ڪرڻ جي ڪوشش ڪئي ته نثار کهڙي کين ڇنڊ پٽي ويهاري ڇڏيو. عوام کي طاقت جو سرچشمو سمجھندڙ پيپلز پارٽي ۽ ان جي اهم اڳواڻ جي اهڙي غيرذميواراڻي رويي تي اوهان ڇا چوندا؟ ان موقعي تي انهن مظلوم اميدوارن جو نظرون ميڊيا تي به پڻ ڄمي ويون آهن ته ميڊيا سندن دانهن کي اجاگر ڪندي يا نثار کهڙو جي اهڙي حرڪت تي پها رکندي....؟
پر ادا اهي آفر آرڊر انهن کي ملندا جيڪي انهن جا خاص چمچا هوندا يان وري جيڪي سڄي زندگي ڪمائي هنن کي پئسا ڏيندا آرڊر به انهن جا هوندا ڇاڪاڻ ته هاڻ اسانجي بادشاهت جي اڳواڻن وٽ انصاف ناهي رهيو
هي اڳواڻ اهو نٿا سمجهن ته اسان ايوانن ۾ عوام جي ووٽ جي طاقت سان آيا آهيون بلڪه اهو سمجهن ٿا ته اسان ڏاڍ ڏنڊي سان آيا آهيون يان وري هو اهو سمجهن ٿا ته اها ڪرسي هنن جي پيءُ ڏاڏي جي جاگير آهي
هون وري پ پ حڪومت ڪهڙي سنڌ کي ترقي ڏني آهي يا ڪي وري سٺا ڪم ڪيا هجن سنڌ لا، خبر ناهي اسان سنڌي ڪيتري عرصي تائين انهن سنڌ دشمن ماڻهن کي ووٽ ڏيندا رهنداسين صرف شهيد ذوالفقار علي ڀٽو ۽ محترمه جي نالي تي.
