WASEEM
سينيئر رڪن
سنڌي ادب ۾ طارق اشرف جي سڃاڻپ هڪ بهترين ايڊيٽر طور آهي جيڪو ڪنهن دور ۾ ”سهڻي“ رسالي جو ايڊيٽر به هو. انهي ساڳي رسالي تي حڪومت پاران پابندي به لڳائي وئي آهي. جنهن ۾ سنڌي ٻولي جي بهترين ڪهاڻيڪارن جون ڪهاڻيون ڇپبيون هيون، جيتوڻيڪ هو هڪ ايڊيٽر هو پر سندس هڪ سڃاڻپ ڪهاڻيڪار طور به آهي. هن سنڌي ٻولي ۾ ڪافي ڪهاڻيون لکيون آهن. سندس ڪتابن ۾: ”جيل ۾ ٻاويهه مهينا“ )ڀاڱو پهريون(، ”اڌ ملاقات“ خط، ”جيل گھاريم جن سان“, ”جيل ۾ ٻاويهه مهينا“ )ڀاڱو ٻيو(، ”زندگي تنها مسافر“ ڪهاڻيون، ”هٿين هٿ ڪڙول“ جيل جي ڊائري، ”سونهن پٿر ۽ پيار“ ڪهاڻيون، ”ميرو ڌاڙيل“ ناول، ”انٽرويو“, ”درد جا ڏينهن درد جون راتيون“ ۽ ”بند اکين ۾ ڪجهه يادون ڪجهه سپنا“ شامل آهن. هو 1940ع ۾ حيدرآباد ۾ ڄائو ۽ 14 اپريل 1992ع تي وفات ڪري ويو.
