ريڊ زون

[عبدالرحيم گجراڻي]

گھانگرا موريء جي واقعي ۾ ( شايد 1985 هيو جنهن ۾ پوليس وارن ڪجھ بي ڏوهي سنڌي نوجوان ماري وڌا هئا ) اسين انهن شهيدن جي ايثال ثواب لاء ايل ايم سيء جي لان ۾ انهن جي لاء غائبانه جنازه نماز ادا ڪري رهيا هئاسين ته اتي موجود پوليس فورس اسان نماز ۾ مشغول شاگردن تي هوائي فائرنگ ڪئي هئي .
17 آگسٽ 1983 جي ايم آرڊي تحريڪ ۾ ( ملڪ لاء جمهوريت جي حاصلات لاء ) نوشهرو فيروز ۾ پرامن بغير هٿيار ۽ نعري باز مظاهرين تي فائرنگ ڪئي وئي جنهن ۾ اسان جا 7 نوجوان شهيد ٿي ويا .
23 آگسٽ 1983 ۾ ايم آر ڊي جي تحريڪ دوران ڳوٺ پنهل ڄانڊيو سڪرنڊ ۾ روڊ تي قرآن جو ورد ڪندڙ مظاهرين تي فائرنگ ڪري انهن مٿان گاڏيون چاڙهي 22 ماڻهن کي شهيد ڪري ڇڏيو هئو
تڏهن اسان جو ۽ انهن جمهوريت جي شهيدن جو اهو جو ڏوھ صرف اهو هيو ته اهي # ريڊ زون ۾ نه هيا