مونکي انتهائي خوشي آهي ته آئون سنڌ سلامت جي ميمبر ٿي آهيان، الله سائين توهان کي سنڌ سلامت جي پليٽ فارم تان سنڌ ۽ سنڌي ٻولي جي خدمت ڪرڻ جي توفيق عطا فرمائي پنهنجي باري ۾ ڪجه ٻڌائيندي هلان ته منهنجو نالو فرح بلوچ آهي منهنجي تعليم ماسٽر سوشيالاجي آهي ، منهنجو جنم شهر ٽنڊو محمد خان ۾ ٿيو، ٽنڊو محمد خان جيئن ته منهنجو جنم ڀومي آهي ان ڪري مونکي پنهنجي جان کان وڌ پيارو آهي، مونکي ڪوڙ کان سخت نفرت آهي، ايترو مٺو به نه ٿجي جو ڪير کائي وڃي ۽ ايترو ڪڙو به نه ٿجي جو ڪير ڪڙو سمجهي ڌڪاري ڇڏي، سنڌ اسان جي امڙ آهي جنهن سان اسان جو رشتو جي جيجل امڙ جو آهي، اسان کي کپي ته پنهنجي جيجل سنڌ جو پورو حق ادا ڪري سگهون جنهن ۾ اسان انهن ماڻهن لا جدو جهد ڪريون جيڪي صدين کان پوئتي آهن ۔ اسان انهن ماڻهن لا ضرور جاکوڙ ڪريون۔ سنڌ سلامت ساٿ سلامت
جواب: السلام عليڪم والڪيم السلام ادي فرح بلوچ ادي توهان کي سنڌ سلامت فورم جو ميمبر ٿيندي ڏسي ڏاڍي خوشي ٿئي ادي اسان اوهان کي سنڌ سلامت فورم انتظاميه طرفان خوش آمديد ٿا چئون ادي اسان کي اوهان جي نڪور لکڻين جو انتظار رهندو
جواب: السلام عليڪم ڀيڻ فرح بلوچ؛ حق موجود؛ اوهانجو تعرف ۽ مختصر خيالن مان خبر پوي ٿي ته اوهان انتهائي سهڻي ۽ سٺي سوچ رکندڙ آهيو، ڪوڙ کان نفرت ڪرڻ جو مطلب ٿيو سچ جو ساٿي هجڻ، ۽ جيڪي سچ جا ساٿي هوندا آهن سي دنيا کي پڻ سچو ۽ سهڻو ڏسڻ پسند ڪندا آهن ۽ ان لاءِ پنهنجي وس آهر پتوڙيندا آهن ۔۔۔ سماجي زندگيءَ ۾ اوهين وچٿري سوچ رکون ٿيون ۽ قومي جذبي سان سرشار آهيو ۔۔۔ ماشاء الله اوهان ۾ سڀ اهي خوبيون آهن جي ڪنهن سڄاڻ ۽ سهڻي انسان ۾ هجڻ کپن ۔۔۔ ڀيڻ بلوچ صاحبه؛ اسانجو هي موچارو اڱڻ اوهان جهڙين شخصيتن لئه ئي آهي، جي من ۽ تن جا صاف ۽ سچا هجن جي پنهنجي قوم ٻوليءَ سان پيار ڪندا هجن ۽ جي پنهنجي هڙا وڙان وس آهر پنهنجي قوم لئه ڪنهن خدمت جو جذبو رکندا هجن ۔۔۔ ڪجهه ڪرڻ جا حامي هجن۔ اسانجي هن اڱڻ تي اڳ به ڪجهه ڀينرون آهن جنهن ۾ شاهده سمون، چانڊوڪي ۽ ٻيون به ڀينرون وقت سر اينديون رهن ٿيون ۽ پنهنجا خيال ونڊ ڪن ٿيون ۔۔۔ اوهانکي به گذارش آهي ته پنهنجا سهڻا ۽ ڪارائتا خيال اسان سان ونڊ ڪنديون رهنديون ۽ سنڌي ٻولي ۽ ادب ۾ واڌاري جا سبب پئدا ڪنديون رهنديون ۔۔۔ اسانجون نيڪ خواهشون ۽ دعائون هميشه سنڌي ڀينرن سان گڏ آهن ۔۔۔ رب العالمين اوهانجي عزت ۽ ايمان جو محافظ رهي ۔۔۔ آمين
جواب: السلام عليڪم بابا فرح بلوچ صاحبه توهان نيٺ سنڌ سلامت تي پنهنجو ميمبر ٿيڻ وارو وعدو پورو ڪيو، لک لائق، توهان جهڙي نموني پنهنجو تعارف ڪرايو آهي، قسم سان دل خوش ٿي وئي، ماشاالله سنڌ ڌرتيءَ ۽ سنڌ جي ماڻهن لاءِ توهان جا خوبصورت ويچار ۽ جذبا لکڻ جهڙا آهن الله سائين توهان سنڌي نياڻين کي سدا سوڀ ڏي جو هن ڌرتي سنڌ ڌرتي جون صحيح معنا ۾ بختاور ۽ ٻاگهي ٿي جيجل ماءُ سنڌ جي خدمت ڪري سگهو۔ اسان سڀ سنڌ سلامت جا ساٿي توهان کي دل جي گهرائين سان ڀليڪار ٿا چئون ۽ اميد ٿا ڪريون ته توهان پنهنجي مضمونن ، ۽ پنهنجي لکڻين سان ساري دنيا جي سنڌين جي سنڌ سلامت جي محبتي اڱڻ تان خدمت ڪندا ۔ جيئي سنڌ جيئن سنڌ جا ڀائر ۽ ڀيڻون الله سائين توهان جو حامي ۽ ناصر
جواب: السلام عليڪم ادي فرح بلوچ ڀلي ڪري آئين! مونکي سڀ کان وڌيڪ هن ڳالهه جي خوشي ٿي آهي ته اسان جي هن فورم ۾ اسان جي ڀائرن سان گڏ ڀيڻون به شامل آهن، ا سان سڀ گڏجي هن سنڌي فورم جي سڌاري ۽ واڌاري لٌاٌ ڪم ڪنداسين۔
جواب: السلام عليڪم ادي هن ڀاءُ جي طرفان به توهان کي سنڌ سلامت تي اوهان کي ڀليڪار چئجي ٿو۔۔۔۔ الله جي ڪرم سان سنڌ سلامت سچن جي رهاڻ آهي۔۔۔ هتي اوهان کي جيڪي به سنڌي ڀائر ڀينرون ملندا سي سڀ سنڌ ڌرتي تهذيب ۽ ٻولي کي زنده رکڻ ۽ پنهنجي وس آهر سچي دل سان ڪوشش ڪرڻ جي لاءِ ئي جمع ٿيا آهن
جواب: السلام عليڪم فرح بلوچ صاحبه سڀ کان پهرين ته توهان کي سنڌ سلامت تي ڀلي ڪار ٿا چئون۔ اميد ته سنڌ سلامت جو ساٿ نڀائيندا۔
جواب: السلام عليڪم ادي اوهان کي هن ويب سائيٽ تي ڀليڪار چئون ٿا۔ جيڪڏهن ڪنهن وٽ دنيا هوندي آهي ته دنيا سڙندي آهي، پر جيڪڏهن ڪنهن وٽ دنيا هوندي نه آهي ته دنيا کلندي آهي۔ مون وٽ اوهان لاء دعا آهي جنهن لاء دنيا سڪندي آهي۔ خدا اوهان کي پنهنجي امان ۾ رکندو۔
