عبدالغني لوهار
سينيئر رڪن
اسانوٽ سنڌ ۾ هڪ پبلڪ ٽرانسپورٽ جي سهڻي سروس هئي ايس آر ٽي سي ، جيڪا سنڌ جي هر شهر کان ڪراچي تائين بحال هئي ، اسانجا ڪيترا ئي ماروئڙا ان ۾ سفر ڪندا هئا ، شاگردن لاءِ به تمام موزون هئي ، جنهن سروس کي آخرڪار ڪنهن طريقي سان ختم ڪري ان جون بسون نيلام ڪيون ويون ، هونئن به هن وقت هر طرح سڄي سونهاري سنڌ کي ڄڻ ته نيلام ڪيو ويو آهي ، هتي ڌاريا لا تعداد آباد ڪيا ويا هئا ۽ انهنجي آبادڪاري جو سلسلو وڏي تيزي ۾ اڃان تائين برقرار آهي ، اسانجا تعليمي اداره به تباهي ۽ سياست جي ور چڙهي ويا آهن ، اسانجي سمورن وسيلن تي غيرن جا انبار لڳا پيا آهن ، دعا آهي ته اهڙو ڪو سورمو اسان مان وري پئدا ٿئي جيڪو هن سُتل قوم کي جاڳائي ۽ اسان کي سک ، امن ۽ ڀائيچاري جي راھ تي گامزن ڪري ، اڳي صرف ٻٽي قومي پارٽيون هيون هاڻي انهن منجهان ڪيتريون پارٽيون ٿي پيون آهن؟ اسانجا سمورا قومپرست اڳواڻ اگر پنهنجا ننڍا ننڍا مفاد ۽ ذاتي انائون ختم ڪري اگر متحد ٿين ته به سڳوري سنڌ جو ڀلو ٿي پئي ، اسانجا جوڌا غيرن جي هٿان وڪامجي رهيا آهن ، ڀنگ جي پيداوار اسلام آباد پنجاب ۽ آزاد ڪشمير ۾ جام ٿئي ٿي مگر اسان وٽ تمام گهڻي استعمال ٿئي پئي ! اسانجو نئون نسل نشي ۽ ڪامريڊي ۾ مبتلا ٿي پنهنجو پاڻ کي ڪو ايجوڪيٽڊ سڏرائي تباھ لڳو پيو آهي ، اسانوٽ سنڌي ثقافت ملهائڻ تي ننڍڙين معصوم نياڻين کي روڊ تي آندو ٿو وڃي ! اسلام آباد ۾ ڏسو طاهرالقادري ۽ عمران خان جي قيادت ۾ سيڪڙو عورتون روڊن تي آواره ۽ بي پرده نڪري آيون آهن ، مينهوڳي ۾ نوجوان روڊن تي نچي رهيا آهن ۽ عورتون مستي ۾ جهومي رهيون آهن ! ڇا اها اسانجي ثقافت آ؟ ڇا ايئن انقلاب ايندا آهن؟ اسان پنهنجي سهڻي ثقافت ، مهمان نوازي تان دستبردار ٿي ويا آهيون ، اڄ به سنڌ ۾ کوڙ واياڻيون آهن جيڪي ٻاهر نڪرنديون آهن ته باقاعده با پرده ۽ حياءَ واري زيور کي برقرار رکنديون آهن ! اسانکي انهن قومن کان به عبرت حاصل ڪرڻ گهرجي جيڪي ڏتڙيل قومون هيون نه انهنوٽ وسيلا هئا نه طاقت هئي مگر اهي متحد ٿيا ۽ ترقي يافته ۽ امن پسند قومن ۾ شمار ٿيا ! اسانوٽ زلزلا آيا اهو امدادي سامان گدامن ۾ رکيو ويو وري مها ٻوڏ مهل اهو خراب سامان مسڪينن کي ڏنو ويو باقي نئون سامان برابر ٻوڏ متاثرن لاءِ آيو کوڙ سارن ملڪن مان مگر 5 فيصد مستحقن کي شايد مليو ! باقي ايم اين ايز ۽ ايم پي ايز جي پارٽي ميمبرن ۽ خاص ماڻهن کي ڏنو ويو ، اسانوٽ وطن ڪارڊ به ايئن ئي 5 سيڪڙو مستحقن کي مليا باقي سرندي وارن پنهنجن کي نوازيو ، اسانجا کوڙ جوڌا اسانجي سنڌي ماروئڙن ، واڻين ، ميمڻن ، شيخن ۽ ٻين ڪاروباري ماڻهن کان ڀتا خوريون وٺي ، اغوائن جي بازار ۾ باهيون ٻاري ويٺا آهن ، اسان جي سڄي سنڌ ۾ ڪٿي به امن امان قائم ڪونهي ، سٿرائي جو ڪو نظام بحال ڪونهي ، هن وقت پنجاب ۽ سرحد ۾ ايئن ڪونهي اسانجا ڪامورا پنهنجين اکين تي ڪاريون پٽيون ٻڌي ويٺا آهن ، نه انهنکي مارائڙن تي ٿيندڙ ظلم نظر اچي رهيو آهي ۽ وري انهنجي ڪنن ۾ ڄڻ ته سيهو ڀريل هجي جو ڪنهن غريب جي دانهن ورنائي انکي آٿت ئي رڳو ڏين ! رڳي ڪھ ڪهان لڳي پئي آ ، ڪير انهنجا مئل ضمير جاڳائي انهنکي جنجهوڙي اٿاري !؟
آخر ۾ صرف ايترو ئي چئجي ٿو ته
الله جيئن نالو وڏو تيئن مون تو در آسرو
يا وري
الله کي پارت آ الله سڻائي ڪندو
آخر ۾ صرف ايترو ئي چئجي ٿو ته
الله جيئن نالو وڏو تيئن مون تو در آسرو
يا وري
الله کي پارت آ الله سڻائي ڪندو
انتظامي رڪن طرفان آخري ترميم:
