ڪجه ڏينهن اڳ، ٽنڊي محمد خان کان سجاول روڊ تي سٺيا اسٽاپ وٽ هڪ پرائمري ماستر محمد عمر سٺيو، پوليس جي بي رحم گولين جو نشانو بڻجي ويو. هڪ سچو انسان، عوام جي خدمت ڪرڻ وارو انسان، هڪ شريف انسان، جنهن جي لاءِ چيو وڃي ٿو ته هو فجر جي نماز پڙهي ان کان پوءِ قران شريف جو دور ڪري پنهنجي گهر ڏانهن وڃي رهيو هو. پر جڏهن هن ڏٺو رستي ته گهر جي گلي وٽ اوطاق جي سامهون ٽي پوليس موبائيل بيٺيون آهين. جن ۾ هاڻي تقريبن 17پوليس وارن جو تعداد ٻڌايو وڃي ٿو. اسان جي شريف ۽ سلجهيل ماستر جڏهن پنهنجن گهرن جي اڳيان هڙو هل ۽ هنگامو ڌٺو ته رهي نه سگهيو ۽ وڌيڪ معلومات لا هنن وٽ هليو ويو. خبر پئي تي اتي مين پڙي جو ڪارخانو آهي. پوليس ڀتو وٺڻ آئي آهي. ٺيڪ انهي وقت هو پاڻ ۾ ڏيتي ليتي سان ٺهي نه سگهيا ۽ پاڻ ۾ هٿين پيجي ويا. ڏسندي ڏسندي گوليون هلڻ شروع ٿي ويون. جن جو نشانو پرائمري ماستر عمر سٺيو بنجي ويو. پر جيڪي غير قانوني ڌنڌي وارا هئا، انهن کي ڪجه به نه ٿيو ۽ نه ئي پوليس وارن کي. پر نشانو هڪ شريف انسان ٿي ويو. جنهن جا چار ننڍا معصوم ٻار هئا. جنهن جو هاڻي صرف الله کان علاوه ڪير به ڪونهي. جن پاڻ جهگڙو ڪيو اهي هاڻ وري ٺهي ويا. ساڳيو ڌنڌو چالو آهي. هنن چور ۽ ڀاڳئي جو قصو ائين آهي جئين ٻار پاڻ ۾ وڙهيا هجن ۽ ٻي ڏينهن وري سڀ گڏ راند پيا ڪڏن. سوال هي آهين ته؛ هڪ شريف انسان ڇو ٿو بيگناه مارجي وڃي؟ غلطيون هڪڙا ڪن ۽ سزا ٻين کي ڇو ٿي ملي؟ غيرقانوني ڌنڌو هڪڙا ڪن، وچ ۾ هڪ بيگناه ڇو ٿي پيسجي وڃي؟
جواب: غلطيون هڪڙا ڪن ۽ لوڙهين وري ٻيا؟ ادا اصغر انتهائي ڏکوئيندڙ واقعو آهي ۽ اسانکي ان غريب مسڪين ماستر جي شهادت تي افسوس به آهي ۽ ڪاوڙ به ۔۔۔ ڪاوڙ آهي ملڪي نظام جي بي حاليءَ تي ۽ قومي بي حسيءَ تي جو اهڙا واقعا ٿين ٿا ۔۔۔ انصاف پسند قومن وٽ پهرين ڳالهه ته اهڙا واقعا ٿين ڪونه ۽ جي ڪو ٿي به ويندو آهي ته ان تي هڪدم عدالتي ڪاروائي ٿيندي آهي ۽ انصاف ٿي ويندو آهي ۔۔۔ پر جنهن ملڪ جو نه نظام آهي نه عدالت نه ئي ڪو والي وارث ته دانهن ڪنهن کي ڏبي؟ الله واهي آهي ۔۔۔ واڳ ڌڻيءَ جي وس آهي ۔۔۔ ڇا چئجي ٿڪ به پنهنجي آهي ته منهن به پنهنجو آهي دعا ڪريو ته ڪو معجزو ٿئي باقي قوم ستل آهي ۽ حڪمران ظالم آهن ۔۔۔
جواب: غلطيون هڪڙا ڪن ۽ لوڙهين وري ٻيا؟ ادا ان ڳالهه تمام گهڻو ڏک پهچايو۔ دعا آهي ته رب پاڪ انهيء استاد کي جنت ۾ جايون ڏئي، ۽ سندس پوئرن کي صبر ڪرڻ جي طاقت ڏئي۔ ۽ انهن لاء ڪا واه ڪڍي۔ آمين۔ غريب جي آه لڳائي باه جي مطابق انهن کي به حساب ڏيڻو پوندو هتِ نه ته هتُ ستيون ٻن پون، جو ويڙهيو ويڙهن پاڻ کي۔ لنڊيون لک لهن ، جنهن ڏانهن عالم آسرو۔
جواب: غلطيون هڪڙا ڪن ۽ لوڙهين وري ٻيا؟ منهنجي خيال ۾ ههڙا هاڃا سنڌ جي ڪنڊ ڪڙڇ ۾ روز جو معمول آهين۔ جيڪڏهن اسان جي پوليس سڌري پوي ته منهنجي خيال سنڌ ڪنهن جنت جي مثال کان گهٽ نه آهي۔ منهنجو هڪ نئون دوست جيڪو راول پنڊي کان هتي پنهنجي ٽيڪسي ڪار ۾ آيو آهي۔ چوڻ اٿس ته: هو هيستائين ايندي ايندي تقربن پنج هزار پوليس کي ڏيئي چڪو هو۔ وڌيڪ چوي ٿو ته جيڪڏهن هن کي ڪا اهڙي ڪا غير قانوني شي کڻي اچڻي هجي ها ته هو آرام سان هيستائين کڻي اچي ها۔ هو صرف ويهه پنجويهه هزار ڪنهن پوليس واري کي ڏي ها ته هو هن سان هيستائين گڏجي پاڻ کڻائي اچي ها۔ ۽ جتي ڪا چيڪنگ وغيره هجي ها هو پوليس وارو پاڻ چوي ها ته "آئون سرڪاري ماڻهو ويٺو آهيان ڪجهه ڪونهي وڃڻ ڏيو"۔ ۽ ائين آرام سان اچي پي سگهس۔ سوال اهو آهي ته: ڇا اسان جا قانون جا رکوالا ڪڏهن سڌري سگهندا؟؟؟ ڇا ڪو اهڙو وقت ايندو، جنهن ۾ اسان جو پوليس دپارٽمينت ايمانداري سان ڪو ڪم ڪري سگهي؟ پوليس ۾ ڪرپشن ٿيڻ جا ڪهڙا سبب ٿي سگهن ٿا؟؟؟؟ پوليس ڊپارٽمينت ايترو بدنام ڇو آهي؟؟؟؟؟ ڇا آهي ڪو ماڻهو جيڪو منهنجي هنن سوالن جا جواب ڏيئي سگهي؟؟؟
