تُرڪي ۾ تاريخ جي پروفيسر کان انٽرويو لاءِ اوهان به سوال ڪريو!

[عبدالحفيظ لغاري]

تُرڪي جي بحرِ اسود يونيورسٽي ۾ شُعبي تاريخ جي هڪ سينيئر پروفيسر الادين کان انٽرويو وٺڻ جو ارادو آهي. سائين راضپو ڏيکاريو آهي. ٿي سگهي ٿو آئون سڀ سوال نه پُڇي سگهان يا رُڳو اُهي پُڇان جيڪي رُڳو منهنجي ذهن ۾ آهن پر اوهان به حصو وٺندا ته اهو انٽرويو جامع ٿي پوندو.
اُميد ته اوهان پنهنجا سوال جلد هتي ڏيندا ته وقت سان انٽرويو وٺي هتي ڏجي.

 

[گورڌن ولاسائي]

سوال: تُرڪي ٻولي کي عربي مان رومن لپي ۾ تبديل ڪرڻ جا ڪهڙا ڪارڻ هُيا؟ ڇا اُهي مقصد حاصل ٿي سگهيا آهن؟
سوال: ڇا اهو صحيح آهي ته اتاترڪ جي وفات کان پو تُرڪي پنهنجا مقصد تبديل ڪري ڇڏيا هُئا، جيڪي هاڻي ظاهر ٿي رهيا آهن؟

 

[مظفر]

سوال1: جڏهن ترڪي هڪ ترقي يافتا ملڪ ٿيندو پيو وڃي ته پوء يورپ جي ٻڏندڙ ٻيڙي ۾ سواري لاء ڇو واجهائي رهيو آهي؟
سوال2: ڪردن جي ترڪي حڪومت سان جنگ جا سبب ۽ ان جنگ جو ممڪن حل ڇا نڪري سگهي ٿو ؟

 

[رشيد سمون]

ترڪي جي تاريخ ۾ سنهري دور ڪهڙي دور کي سمجهيو ٿو وڃي...؟
ڇا ترڪي جي وڏن به تاريخي غلطيون ڪيون آهن..؟

 

[عبدالحفيظ لغاري]

دوستن جي مهرباني جن سوال ڪيا. جيڪڏهن اوهان جو ڪنهن تاريخ جي ماهر يا استاد سان واسطو/رابطو هُجي ته ان کان پُڇي به ڏيئي سگهو ٿا.