سنڌ جي سورهيه ۽ سورمي وارھ واسي روپلو چولياڻي جي سالگرھ تي کيس ڀيٽا

مصر جي عظيم شاعر نزار قباني هڪ لازوال لاجواب سوال پڇيو هو
"اگرتون به نه سڙندي ۽ مان به نه سڙندس ته هي انڌيرو ڪيئن دور ٿيندو ؟؟؟"
واره جو هڪ ڳڀرو جوان پاڻ ساڙي سنڌ لاءِ سوجهرو ٿي ويو.
هو جنهن جي لبن تي سدا مسڪراهٽن جا رنگ برنگي پوپٽ ويٺل هون...دا هئا. گفتار ۾ خوش مزاجي, طبيعت ۾ ملنساري ۽ جوهر ۾ جانساري رکندڙ هي انتهائي دلير شخص ايئن هو جيئن ڪنهن شاعر چيو
"بزم يارا هو تو ريشم ڪي طرح نرم ,
رزم حق و باطل هو تو فولاد هي مومن "
هن لطيف جي فڪر کي سمجهي ورتو هو ته
"جي وڍين تان ويهه نه ته وٺي واٽ وڃ تون,
هي تنين جو ڏيهه ڪاتي جنين هٿ ۾"
سندس دردناڪ پر شاندار شهادت کان ڪجهه ڏينهن اڳ ساڻس ملاقات ٿي هئي. مون کيس چيو هو "هو توهان کي ماري ڇڏيندا روپلا "
"پوءِ ڇا هيس " هن پنهنجي مخصوص لاپرواه انداز ۾ ڳالهائيندي چيو هو. "هو اسان کي ماري ڇڏيندا پر تاريخ اسان کي زنده رکندي "
مون ڇرڪي کيس ڏٺو هو. روپلو عام طور تي اهڙيون گهريون ڳالهيون نه ڪندو هو. هنن کي الائي ڪهڙي هوا لڳي وئي هئي. هو مٽجي ويا هئا. هنن سنڌ تان سر گهورڻ جو وچن ڪيو هو ۽ روپلي "شهيدن جي قبرستان " جو بنياد وجهڻ جو عظم پڻ ڪيو هو. هن اهو سڀڪجهه ڪري ڏيکاريو.

اڄ واره جي ارڏي جوان ۽ مزاحمت جي تاريخ جي سرفروش ڪردار روپلو چولياڻي جو جنم ڏينهن آهي. اچو ته ذات برادري کان مٿانهين هن سورهيه جوان جي حضور محبت ۽ عقيدت جا گل پيش ڪيون.
اڀ اوچو سڀ ڪنهن, اڀ نه اوچو ڪوءِ,
مري به مٿي ٿيو سورهيه سر سندوءِ!

 

نثارابڙو جن کي خصوصي طور ايڊ ڪجي ٿو ، محترم روپلو چولياڻي ، ۽ سچل ڳوٺ واسي رياض چولياڻي وارھ واسي آهن !