الطاف جي وضاحت پنهنجي ئي منهن تي پاڻ ئي ڀونڊو هڻڻ برابر آهي. ايم ڪيو ايم جا اڳواڻ الطاف حسين طرفان پنهنجي اسيمبلي ميمبرن جي استعيفا جو سبب ٻڌائيندي چون ٿا ته * قائد تخريب * الطاف ڀائي اهيو قدم ان ڪري کنيو آهي ته هن ملڪ ۾ جاگيردارن، وڏيرن جو راڄ آهي، سندن استيعفائن وارو قدم ان راڄ خلاف احتجاج ڪرڻ آهي* ڪير الطاف کان پڇڻ جي جرئت ڪري سگهي ٿو ته ڇا ايم ڪيو ايم اڄ تائين انهن جاگيردارن ، وڏيرن ، ڀوتارن، جرنيلن جي چوسيئل هڏيئن تي پڇ نه لوڏيندي رهي آهي؟ يا اهي بدترين جاگيردار ۽ وڏيرا انقلابي هئا ؟ ڇا ڪو اهڙو ڌاڙيل ۽ آمر جرنيل هو جنهن جي اقتدار تي قبضي ۾ ايم ڪيو ايم ٽيڪ ۽ سهارو ڏيئي سندن لانگ بوٽ پالش ڪري نيپيئر روڊ جي واسي جيان دشخش نه ورتي هجي.
