مان اعتراف ٿو ڪريان ته........ ڊاڪٽر نثار شاھ

[منصور سرور]

مان اعتراف ٿو ڪريان ته مونکي ڊاڪٽريءَ جي سرڪاري نوڪري نه ڪرڻ گهرجي ها. ان نوڪريءَ مونکي ڏنو گهٽ آهي پر کسيو تمام گهڻو آهي.

پنهنجي شاگردي واري زماني ۾ مان انتهائي جذباتي سياسي ورڪر هوندو هيس ۽ ڳاڙهي انقلاب جو پانڌيئڙو هيس.

جيتوڻيڪ مان ڊاڪٽري پڙهيس پر پنهنجي سياسي آدرش سبب پنج سال سرڪاري نوڪري نه ورتي، پر گهر وارن جي مسلسل دٻاءُ سبب مجبورن سرڪاري نوڪريءَ جي پنجوڙ ۾ ڦاسي پيس جنهن تي اڄ تائين مان پڇتايان ٿو.

سرڪاري نوڪري سبب مان پنهنجي سياسي آدرش کي ماڻڻ واري جدوجهد کان محدود ٿي ويس جنهن جو مون کي انتهائي افسوس آهي.