ڀرڳڙي ماجد صاحب جي ٿورن سان گوگل ۾ سنڌي ٽرانسليشن ۽ ٽرانسلٽريشن ڪافي دوست پڇندا آهن ته گوگل وارا ان ٽرانسليشن واري ڪم ۾ تڏهن هٿ وجھندا؟ عرض ته جڏهن اعداد و شمار مان کين اهو اندازو ٿيندو ته سنڌي ٻولي کي انٽرنيٽ تي استعمال ڪرڻ وارو جو تعداد ججھو آهي. هي جيڪا اسان سنڌي رومن اسڪرپٽ ۾ ٿا لکئون تنهن جو شمار سنڌي ۾ ڪونه ٿو ٿئي، تنهنڪري سنڌي سان لاڳاپيل اعداد و شمار ۾ انهن جي ڳڻپ ئي ڪانه ٿي ٿئي. گوگل وارن کي چوڻ کان اڳ اسان کي پنهنجن سنڌي دوستن ۽ مهربانن کي عرض ڪرڻو ۽ همٿائڻو پوندو ته سنڌي پنهنجي روائتي رسم الخط ۾ لکو ته جيئن گوگل ۽ ٻيا به ان کي اهميت ڏين ۽ جائز مقام ڏين. جيڪڏهن اسان پاڻ سنڌي ٻوليءَ کي استعمال ڪرڻ ۾ سستي ڪنداسي ته ٻين مان ڪيئن چُستي جي توقع رکنداسي؟
