خدارا توهان سنڌ کي ليڊ ڪريو.... مهان اداڪار گلاب چانڊيو جي عمران خان کي اپيل

[رشيد سمون]

1992 ۾ جڏهن مان پهريون دفعو ڪراچي ويس ته منهنجي ملاقات سنڌ جي مهان اداڪار گلاب چانڊيو سان به ٿي هئي.. گهٽ عمر هجڻ ۽ لڄ ڪري ساڻس وڌيڪ گفتگو نه ڪري سگهيو هيم.. پر سندس شخصيت ٽيليويزن جي ناٽڪ رنگ پروگرامن ۾ ادا ڪيل سندس ڪردارن کان ڪافي اوچي ٿي لڳي..
اڄ به منهنجي تصور ۾ اڀرندڙ سندس ان شڪل شبيهه کي ان وقت ڇيهو رسيو جڏهن عمران خان جي تازو گذريل ڪراچي واري تاريخي جلسي ۾ گلاب چانڊيو کي سماء نيوز رپورٽر کي انٽرويو ڏيندي ڏٺم.. شايد اهو عمر جو ڪافي لنگهي وڃڻ ئي هو.. نه ته گلاب چانڊيو ته قدآور ۽ منهن جسم ۾ ڀريل هڪ سوڀر اداڪار هو...

خير واپس خبر تي اچجي ته... سنڌ جي هن مهان اداڪار گلاب چانڊيو، پي ٽي آئي سربراهه عمران خان کي اپيل ڪندي چيو آهي ته خدارا سنڌ کي ليڊ ڪري.. ڇو ته سنڌ کي ان جي ضرورت آهي.. عمران خان سچو ليڊر آهي.. ۽ قائداعظم يا ذوالفقار علي ڀٽو کان پوءِ ڪو بهادر ليڊر آهي ته اهو عمران خان آهي...

پنهنجي مختصر انٽرويو ۾ گلاب چانڊيو سنڌ جي قومي گيت تي جهمريون پائيندي وڌيڪ ڇا چيو .. حاضر آهي فيس بوڪ جي مختصر وڊيو...

https://www.facebook.com/video.php?v=389472904537377

 

[سجاد علي چنا]

گلاب چانڊيو سان ان ڏينهن باغين سان شام واري پروگرام ۾ داخل ٿيندي آرٽس ڪائونسل ۾ ملاقات ٿي.. ملاقات ڇا ٿي بس سائين سان هٿ ملايو ته انتهائي نِوڙت سان مليو... وڊيو بوڪمارڪ ڪئي آهي. گهر وڃي ڏسونس ٿا...

 

[عبيد ٿھيم]

گلاب چانڊيو ته قدآور ۽ منهن جسم ۾ ڀريل هڪ سوڀر اداڪار هو.

سنڌ جي اداڪارن، ڏاهن، اديبن جو اهو ئي حال آ، هُو پڇاڙي واري عمر ۾ صفا ضعيف ۽ ڪمزور ٿي ويندا آهن، يا ته اهي ويچارا ڪينسر جهڙي موذي مرض ۾ مبتلا ٿي ويندا آهن.. منهنجي پسند جو اداڪار عبدالحسين ساريو مرحوم کي الله پاڪ جنت الفردوس ۾ جا نصيب فرمائي، هُو پڇاڙي واري عمر ۾ اهو چئي ويو ته مونکي ڪينسر ڇڏيندو ڪونه ڪنهن کان به فنڊ گهرڻ جي ضرورت ناهي..
وجه الائي ڇا آهي . بس الله رحم ڪندو عالمِ انسانيت تي.

 

[عبدالڪريم چانڊيو]

شايد ڪنهن الهوٽ نشي ۾ آهي جو عمران خان ٿو سنڌ جي نجات لاءِ اپيلون ڪري . اهڙن ماڻهن کان ڪو پڇي ته سنڌ جي لاءِ عمران يا قادريءَ وٽ ڪهڙو پروگرام آهي ته .اهي ته انهن جي اشارن تي نچي ۽ ڪڏي رهيا آهن ،جن بندوق جي زور تي سنڌ کي ڪالوني طور هلائي رهيا آهن .ڇا انهن بنهيءَ وٽ ڪو قومي سوال جو ڪو حل آهي ؟ اهي ٻيئي رڳو ڪرپشن جون دانهون ڪري رهيا آهن .سڀ کان وڌيڪ ته بندوق وارا ڪرپشن ۾ ملوث آهن ،جن انهن کي ميدان ۾ لاٿو آهي .

 

[سجاد علي چنا]

شايد ڪنهن الهوٽ نشي ۾ آهي جو عمران خان ٿو سنڌ جي نجات لاءِ اپيلون ڪري . اهڙن ماڻهن کان ڪو پڇي ته سنڌ جي لاءِ عمران يا قادريءَ وٽ ڪهڙو پروگرام آهي ته .اهي ته انهن جي اشارن تي نچي ۽ ڪڏي رهيا آهن ،جن بندوق جي زور تي سنڌ کي ڪالوني طور هلائي رهيا آهن .ڇا انهن بنهيءَ وٽ ڪو قومي سوال جو ڪو حل آهي ؟ اهي ٻيئي رڳو ڪرپشن جون دانهون ڪري رهيا آهن .سڀ کان وڌيڪ ته بندوق وارا ڪرپشن ۾ ملوث آهن ،جن انهن کي ميدان ۾ لاٿو آهي .

بالڪل صحيح