اسان ته آئي فون 6 جي خاصيتن ۽ لانچنگ جون ڳالهيون ٻڌندا پئي آياسين ته اچانڪ هڪ ٻي ڳالهه به ظاهر ٿي پئي آهي ته آئي فون 6 ۾ هڪ وڏي خرابي پڪڙي وئي آهي. ڪجهه ڪسٽمرز وٽان اها شڪايت ملي آهي ته جڏهن هُو آئي فون 6 کي کِيسي (Pocket) ۾ رکندا آهن ته آئي فون 6 مُڙيو وڃي. اها ڪا خصوصيت ناهي بلڪه فون جي جسم (باڊي) ۾ هڪ وڏي خرابي آهي. خريدارن پاران هن فون جي جسم جي چٻي ٿيڻ (مُڙي وڃڻ) جون تصويرون به سماجي رابطن جي ويبسائيٽن تي رکيون ويون آهن. جتي هن خرابي کي ”بينڊ گيٽ“ جي نالي سان سڏيو پيووڃي. ايپل جي هن نئين فون کي المونيم ڌات سان ٺاهيو ويو آهي جيڪو گرم ٿيڻ سان آساني سان مُڙي وڃي ٿو. توهان کي ٻڌائيندو هلان ته ايپل جي هن نئين فون جو وڪرو تيزي سان جاري آهي.
