پيارا سنڌ سلامت جا ساٿيو ۽ ساري دنيا جا سنڌي دوستو السلام عليڪم ، جيئي سنڌ دوستو توهان جو نثارناز اڄ هن ڪافيءَ وارِي تصوير ۾ ڏسِي ٻُڌايو ته ڪٿي آهي، توهان کي منهنجي تخليق ڪيل هِي ڪافِي ڊيزائن جي پس منظر ۾ ڪيئن لڳي، ڪڏهن ڪڏهن منهنجِي شاعريءَ جِي پُراڻِي ۽ ڦاٽل ٽُٽل پَٽارِيءَ مان اندر جو آواز اجهو انهن لفظن جِي صورت مان نڪري ايندو آهي، اسان ته هميشهه ٻاهر ٻاڦ نه نڪري وانگر گهڻي کان گهڻو چُپ چُپات جو سمنڊ سيني ۾ سانڍي پيا هلندا آهيون پر اڄ صبر وارا ٻنڌ ڪنهنجي ڪري ٽُٽِي پيا آهن، بس غريباڻي شاعري، قاتلاڻي ڊيزائن جِي صورت ۾ توهان سان ونڊ پيو ڪريان، توهان مڙني دوستن جي واڌو ڪاٽو راين جو منتظر رهندس۔ وارَ اهڙا ڪري دِل ڪڍِي هِي وجهن
جواب: وارَ اهڙا ڪري دل ڪڍِي هِي وجهن (ڪافي) ادا نثار ناز! جنهنجي ڪري به اوهانجا صبر وارا ٻنڌ ٽٽا پر شڪر جو ٽٽا ته سهي، نه ته اسانکي اهڙي قاتل شاعري ڪيئن ملي ها ۔۔۔ مهربانيون ان شخصيت جون جيڪا اوهانکي ستائيندي رهي ٿي ۽ اوهانجي مٿان وار ڪري اوهانجي دل سيني کان ٻاهر ڪڍي ريل پٽڙيءَ تي اڇلائي ٿي ۔۔۔ دل لڳايو متان، دل جلايو متان پاڻ کي بي گناه، سڀ رلايو متان يار نثار! نصيحت ته سٺي ڪئي اٿوَ، پر عاشق مجبور آ ۔۔۔ ڇا ڪري ۔۔۔ سر تريءَ تي ۔۔۔ الله مالڪ آهي ۔۔۔ جيڪو ٿيندو ڏٺو ويندو ۔۔۔ بس پنهنجو خيال ڪجو ۔۔۔
جواب: وارَ اهڙا ڪري دل ڪڍِي هِي وجهن (ڪافي) محترم نثار ابڙا توهان جون مهربانيون جو توهان منهنجي هن حقير ۽ ڪم تر شاعريءَ کي قاتل شاعري چئي هڪ نئين معنا ڏني، ڀلي توهان ان شخصيت جون مهربانيون مڃو پر اسان جو ته جُهڳو ئي ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دل تي سدائين سامهان وار ٿيندا آهن، توهان جي اُن مهربان شخصيت تان صدقي وڃجي جو هن پٺن کان دل کُرچي ڪڍي آهي ۽ وري به سڌو ريل واري ٽريڪ تي روانو ڪيو اٿس ته ويچارو عاشق مجبور آ سڌو ريل جي هيٺان اچي ۽ سندس ڌاڻا نڪري وڃن۔۔۔۔۔۔۔۔۔۔۔۔۔۔۔ ها ادا هتي ملڪ وڃي ميرن جي بنگلن تائين پهچندو ناز ويچارو ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ان کان پوءِ توهان جو اهو ”ڏٺو ويندو“ ڪهڙي ڪم جو ۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جواب: وارَ اهڙا ڪري دل ڪڍِي هِي وجهن (ڪافي) سائين نثار صاحب تمام لاجواب توهان اسان جي فورم تي 1 نمبر جا شاعرآهيو فورم جي رونق آهيو سدا خوش هجو
جواب: وارَ اهڙا ڪري دل ڪڍِي هِي وجهن (ڪافي) سائين هميشه وانگر هي شاعري به قهري آهي ۔۔۔ سولي سنڌيءَ۾ چئجي ته آخري شاعري آهي۔۔ سائين نثار ناز ته توهان جي هڪ شعر کي اقتباس ۾ عرض ڪيو آهي پر مان سوچيان ٿو ته ڪهڙو شعر اقتباس ۾ عرض رکان۔۔۔ ڇو ته هر شعر ۾ هڪ نئين حقيقت لکي اٿوَ۔۔ بس چوڻو ٿو پئي ته دل جا اڌما لفظن جي صورت ۾ پني تي اچي ويا آهن۔۔ پر ها وري سوچون ٿا ته توهان جي دل ته انهيءَظالم قاتل پرينءَجي هٿ ۾ ٿي ڏسجي۔ هاڻي ڇا ڪجي۔۔؟ هاڻي الائي جي موٽائي ڏيندو الائي جي سڌو روانو ڪري ئي ڪم هلائي ڇڏو اٿائين۔۔
جواب: وارَ اهڙا ڪري دل ڪڍِي هِي وجهن (ڪافي) پيارا نصير چنا سدا سلامت خوشحال هُجو پنهنجي پيارن سان ! توهان کي منهنجي هي شاعري زبردست لڳي، توهان جا ٿورا دوست جو همت افزايون ڪيو ٿا، نه ته نثار ناز ته ڪا شي ئي ڪانهي مهرباني مٺا۔
جواب: وارَ اهڙا ڪري دل ڪڍِي هِي وجهن (ڪافي) طاهر سنڌي سائين تنهنجي ٿورن کي ته مان ڳڻي ئي ڪونه سگهندس جو توهان منهنجي هن صفا ڪم تر ۽ حقير شاعري پڙهي مونکي نمبر ون شاعر چيو سنڌ سلامت جو، دوست حقيقت اها آهي ته نمبر ون مونکان ڪافي اڳ ۾ آهن، مان صرف ٽي درجي وارو شاعر توهان جهڙن محبتي دوستن جي همت افزائين جي سهاري رڳو تڳان پيو ۔ مهرباني مٺا۔
جواب: وارَ اهڙا ڪري دل ڪڍِي هِي وجهن (ڪافي) مٺا اسد ڄامشورائي! توهان ته منهنجي هن شاعري کي قهري شاعري چئي صفا نئين معنا ڏني آهي، جاني ڪڌهن اهي اُڌمان پني کان به اڳتي لکجي ويندا آهن، اهو ريلوي ٽريڪ سنڌ يونيورسٽي ڄامشوري وارو ٽريڪ آهي، جنهن ۾ نثار ناز کان وٺي مست ڄامشورائي جهڙن مجبور عاشقن سان اهڙي ئي ويڌن ٿيندي آهي، جو دل کي پُٺي کان کُرچي وري سڌو ريل جي پٽڙي تي روانو ڪيو ويندو آهي، ته وڃي ريل جي هيٺان ٽُڪرا ٽڪرا ٿئي، ادا اها دل نڪتي سا نڪتي ڪو آسرو ئي ڪونهي جو دل واپس ٿئي، بس رڳو انهي شاعري جو آخري بند اقتباس طور تون نه سهي مان ئي لکِي ٿو ڇڏيان ته هُو نه هِنَ پار آ، هُو نه هُنَ پار آ ”ناز“ جِي ڪا خبر ۽ نڪا چار آ ڪو ته ڳولهي وڃِي ڪِٿِ کُٽا ٿس قدم دلبرن جا ستم ڄڻ ته جيون ختم ! ! هاڻي اهو ناز تون به ٿي سگهين ٿو، هو مڪي پاڪ ۾ رهندڙ نثار ابڙو به ٿي سگهي ٿو، باقي مان ته توهان جي سامهون هڪ وڏي ڪٿا جِي صورت ۾ آهيان ئي آهيان۔
