سنڌ جو سنڌي نوجوان سياسي ڌارا کان ٻاهر کڙو بيٺو آهي بلاول ڀٽو زرداريء جو سحر به انهن کي اڃان تائين پاڻ ڏانهن نه ڇڪي سگھيو آهي قومپرست سياسي ڌريون سياست کانسواء هر شيء ڏانهن انڌيون ، ٻوريون ۽ گونگيون رويو رکندي تباه برباديء ڏانهن گوڏن تي زور رکيو ويٺيون آهن . انهيء صورتحال ۾ هاڻي جڏهن ميڊيائي دور هلي رهيو آهي جيڪي نفسياتي جنگيون به هاڻي ” ميڊيا “ تي وڙهيون پيو وڃن مسلم ليگ ( ڪهڙي به ) جو به سنڌ ۾ نه وجود آهي ۽ نه ئي رهندو باقي هاڻِي سياسي طور خالي ٻنيل ” اسپيس “ کي عمران خان جي نالي سندس پارٽي پي ٽي آء ، ميدان تي لٿل آهي ، جيڪا مسلسل نئين ڏينهن جي نئين جدوجهد سان جاري ساري هئڻ سان گڏ ” ميڊيا “ جا سمورا رستا اختيار ڪري نئين پاڪستان ( روشن پاڪستان کان پوء ) ڏانهن ” لبرل سوچ “ سان اڳتي وڌي اسان جي ” سنڌي نوجوان “ کي ”هيپٽنائيز“ ڪرڻ لاء خالي ميدان انهن لاء تيار ڪيو ويو آهي هاڻي صرف هڪ ” اسٽيج “جي ضرورت آهي
