امداد محمد شاهه جي چونڊ بابت سچائي

[محمد خان سيال]

29 سيپٽمبر 2014 تي ڪاوش ۾ هڪ شخص سهيل ميمڻ دعوى ڪئي آهي ته 1988 جي اليڪشن جنهن ۾ پيپلز پارٽيءَ جو هڪ وڏو طوفان هو، ان ۾ به امداد محمد شاهه کان ڪو طوفاني سياستدان چونڊ کٽي ڪونه سگھيو ـ رڪارڊ کي درست ڪرڻ لاءِ سچائي ٻڌائڻ ضروري آهي ـ
ويچاري سهيل ميمڻ کي ڪالم، ڪاريَ ڪرڻ کان اڳ اهو ته ڏسڻ گھرجي ها ته سچائي ڪهڙي آهي؟ مون کي ياد آهي ته پ پ پ سيد گھراڻي سان هڪ ٺاهه ڪري پي ايس 27 تي سائين امداد محمد شاهه خلاف سڪرنڊ کان اميدار ڪونه بيهاريو هو ۽ بعد ۾ امداد محمد شاهه جي کليوکلايو پٺڀرائي ڪئي هئائين جنهن تي هن پ پ پ جا ٿورا به مڃيا هئا ـ خبر ناهي ته سهيل ميمڻ کي ڪٿان الهام آيو جو اهڙو تاثر ڏنائين ته امداد محمد شاهه پ پ پ جي اميدوار کان کٽي ويو هو؟ منهنجي ذاتي راءِ آهي ته سهيل ميمڻ کي پنهنجي ذاتي زندگي توڙي لکڻين ۾بردباري پيدا ڪرڻ گھرجي ـ