ٽيلي گرام ... واٽس ايپ جو بهترين متبادل

فيس بوڪ طرفان خريد ڪرڻ کان پوءِ ڪجهه ئي ڪلاڪن لاءِ جڏهن واٽس ايپ جي سروس ڊائون ٿي ته گهڻن ماڻهن کي شڪ شبهن ۾ آڻي ڇڏيو... واٽس اپ نون فيچرس سان واپس ته وري پر ان دوران ماڻهن ان جو متبادل ڏسڻ شروع ڪري ڏنو.. ڇو ته سيڪيورٽي جي حوالن سان فيس بوڪ پهريان ئي ڪافي بدنام آهي.. اهو ئي سبب آهي جو ”ٽيليگرام“ ايپليڪيشن کي واٽس ايپ جو بهترين متبادل قرار ڏنو ويو آهي..

​

ٽيليگرام جي پهرين خاص ڳالهه ته اها آهي ته هي اوپن سورس آهي ۽ هن جو اوپن سورس هجڻ ئي سيڪيورٽي جي سڀني خدشن کي ختم ٿو ڪري ڇڏي.. ان کان علاوه انتهائي سادي ۽ تيز رفتار هجڻ هن جي ٻي خوبي آهي.. گروپ جي معاملي ۾ هڪ ئي وقت 200 ماڻهن جو گروپ بڻائي چيٽ ڪري سگهجي ٿو .. هڪ جي بي تائين وڊيو، لاتعداد تصويرون ۽ ميڊيا فائيلز وغيره هن جي ذريعي موڪلي ۽ وصول ڪري سگهجن ٿيون..
سيڪيورٽي جي معاملي ۾ حساس ماڻهن لاءِ انڪرپٽڊ چيٽ جو پڻ آپشن موجود آهي.. جنهن سان چيٽ ڪندڙن جي چيٽ کي ڪاپي ڪري محفوظ ڪرڻ يا ڪنهن ٻئي ڏانهن موڪلڻ ممڪن ناهي..
ٽيليگرام ايپليڪيشن آڪٽوبر 2013 ۾ منظرِ عام تي آئي.. واٽس ايپ جي مقبوليت ڪري هي پنهنجي جڳهه ٺاهڻ جا جتن ڪرڻ ۾ لڳل آهي.. ڇو ته واٽس جو مقابلو ڪرڻ آسان ناهي..

انهن سڀني ڳالهين باوجود اچو ته ٻنهي ايپليڪيشن جو جائزو وٺون..

​

• واٽس ايپ پهريون سال مفت جڏهن ته اڳئين سال کان هڪ ڊالر سالانه فيس جو مطالبو ڪري ٿي.. جڏهن ته ٽيليگرام بلڪل مفت آهي..
• ٽيليگرام پنهنجي استعمال ڪندڙن لاءِ تيز ترين ميسيجنگ جو سسٽم کڻي آئي آهي.. هن وقت تائين سڀ کان تيز ترين ميسيجنگ سسٽم جو اعزاز رکندڙ ٽيليگرام ۾ ميسيجز جي مڪمل سيڪورٽي لاءِ انڪرپٽڊ سسٽم متعارف ڪرايو ويو آهي.. ايسيتائين جو توهان اهڙا ميسيج به موڪلي سگهو ٿا جيڪي اڳتي فارورڊ نه ٿا ڪري سگهجن.. اهڙو ڪو به فيچر واٽس ايپ ۾ موجود ناهي..
• ٽيليگرام ذريعي ميسيجز تي وقت سيٽ ڪري سگهجي ٿو ۽ مقرر وقت کان پوءِ اهو ميسيج وصول ڪرڻ واري جي ان باڪس مان پاڻمرادو ختم ٿي ويندو.. اهڙي قسم جو ڪوبه فيچر واٽس ايپ ۾ موجود ناهي..
• ٽيليگرام اوپن سورس طور موجود آهي.. ۽ ڊيويلپرز لاءِ API فراهم ڪري ٿي ته جيئن ايپليڪيشن ٻين پليٽ فارم لاءِ به بڻائي سگهجي.. جڏهن ته واٽس ايپ ان ڳالهه جي اجازت نه ٿي ڏئي..
• واٽس ايپ ۾ 50 ماڻهن سان جڏهن ته هڪ ئي وقت 200 ماڻهن سان گروپ چيٽ ڪرڻ جي سهولت ڏئي ٿي..
• ان کان سواءِ هڪ جي بي سائيز تائين فائيل شيئر ڪرڻ جي سهولت ٽيليگرام ۾ موجود آهي..

ٽيليگرام ڊيسڪ ٽاپ ورزن

​

ٽيليگرام اينڊرائيڊ، آئي او ايس، ونڊوز فونز کان علاوه ونڊوز پي سي ۽ لينڪس لاءِ پڻ موجود آهي.. پر جيئين ته اهي ورجن اڃان بيٽا آهن ان ڪري انهن ۾ ڪجهه خرابيون ٿي سگهن ٿيون.. ونڊوز تي استعمال ڪرڻ لاءِ ان جو بيٽا ڊيسڪٽاپ ورجن سندن ويب سائيٽ تان ڊائونلوڊ ڪري سگهجي ٿو.. پر ان کي استعمال لاءِ ضروري آهي ته پهريان ٽيليگرام فون تي انسٽال ڪري کاتو بنايو وڃي..

وڌيڪ تفصيلي معلومات ۽ ڊائونلوڊ ڪرڻ لاءِ ٽيليگرام جي ويب سائيٽ جو ڦيرو ڀريو..

 

سڀ ڳالهيون هوندس پر اسان کي ته واٽس اپ پسند آهي سليمان وساڻ جي ڳاله وانگر اسان جنهن شي جا عادي ٿي ويندا آهيون ان کي ئي استعمال ڪنداآهيون نواڻ پاڻ کي به گهٽ وڻڻدي آهي سو ادا ٽيليگرام به پهنجي جاء تي سٺا فيچرز رکي ٿو پر اسان جو ڪم واٽس اپ تمام بهترين طريقي سان ڪري ٿو ۽ ان جهڙو فاسٽ ۽ آسان ايپ مون اڄ تائين نه ڏٺو آهي باقي جي اوهان چئو ته وتائي فقير جي ڳاله وانگر جنڌ لوڏيون ٿا باقي پهنجو ووٽ واٽس اپ کي آهي

 

جمالي صاحب لڳي ٿو ته اوهان مهنجي ڳالهه کي سمجهيو نه يا وري سمجهڻ نٿا چاهيو مهنجا ڀاء اسان هميشه سٺين شين کي ئي ۽ نئين شين کي استعمال ڪندا آهيون پر جيڪا شي اوهان کي استعمال ۾ سولي ۽ آسان لڳندي اوهان ان کي ئي انتخاب ڪندا نه ڪي جيڪا شي اوهان جي سمجه ۾ ئي نه اچي يا وري استعمال ۾ ڏکي هجي يا وري اوهان جي اڪثر دوست ان جو استعمال ئي نه ڪندا هجن . مثال جي طور تي جي اوهان مارڪيٽ مان هڪ ڪار وٺڻ وڃوجن مان هڪ آٽو ميٽڪ گيئر واري هجي ۽ هڪ مينوئل گيئر واري هجي ۽ اوهان انهن منجهان مينوئل گيئر واري گاڏي ان ڪري انتخاب ڪيو ته اوهان ان جا عادي آهيو ۽ اوهان جي سمجه ۾ آيل آهي ته ڇا اوهان تي ڪو اعتراض ڪري سگهو ٿو ته اوهان نواڻ جا قايل نه آيو اوهان اولڊ فيشن آهيو يا وري اوهان ڪنهن مولوي جي فتوا ۾ اچي ڪري اها ورتي آهي ..؟؟؟؟ ۽ هڪ ڳاله اها به ذهن نشين ڪرڻ گهرجي ته هر نئين شي يا جديد شي جو استعمال ضروري نه هوندو آهي .

 

ادا مولوين اهڙي فتويٰ ڪڏهن ظاهر ڪئي ؟؟؟ توهان وٽ ان فتويٰ جي ڪاپي آهي ؟؟

يار خدا خدا ڪريو.. خوامخواه اچي مولوين تي الزام لڳايا اٿوَ..

 

تبديلي به ضروري آهي ته وري اپڊيٽ رهڻ پڻ. واٽس ايپس جي خوبي به اها ئي هُئي ۽ آهي ته جي پي آر ايس جهڙي ٿڪل سروس تي به خوب ٿي هلي. وري عام جام به ايتري جو جنهن جو نمبر سيو ڪر اهو ان تي آهي ئي آهي.
باقي واٽس ايپ گهڻو تنگ ڪيو ته پوءِ متان رشيد جي ڏسيل ٽيليگرام جو سوچجي.