ڊاڪٽر شڪيل سنڌي جي رياستي قتل خلاف وارهه ۾ مظاهرو ڪيو ويو، باڊه ۾ جسمم جو اڳواڻ جي قتل خلاف احتجاجي مظاهرو. جسمم ڏوڪري جي اڳواڻ شڪيل کونهارو کي عيد جي ڏينهن گم ڪيو ويو هو؛ اڳواڻ باڊه؛ (ن س) ڪراچي جي پپري ڳوٺ ۾ جسمم ڏوڪري جي اڳواڻ شڪيل کونهارو جو گوليون لڳل لاش هٿ اڃڻ خلاف باڊه ۾ جسمم پاران احمد علي ڪانڌڙو، ڪاشي رام، ببلو ساريو، صدام جوڻيجو ۽ ٻين قومي ڪارڪنن جي اڳواڻ ۾ احتجاجي مظاهرو ڪري حيدر چوڪ تي ڌرڻو هنيو ويو ان موقعي تي جسمم باڊه جي اڳواڻن ڳالهائيندي چيو ته جسمم ڏوڪري جي اڳواڻ شڪيل کونهارو کي عيد واري ڏينهن تي کنڀي گم ڪيو ويو، جڏهن ته سندس لاش ڪراچي جي پپري ڳوٺ ۾ گوليون لڳل هٿ آيو آهي، هنن وڌيڪ چيو ته شڪيل کونهارو جو قتل ڳجن ادارن جي ماڻهن ڪيو آهي، جيڪي هميشـ پنهنجي رياستي ڏاڍ ذريعي جسمم ڪارڪنن کي کنڀي کڻي وڃڻ بعد اذيتون ڏئي ڪري بي رحمي سان قتل ڪن ٿا جنهن جي اسين سخت مذمت ڪيون ٿا.
