سنڌ جي مڙني سياسي، سماجي ۽ قومي تنظيمن ڏانهن هڪ مختصر کليل خط عبد القدير ميمڻ سنڌ جي موجوده صورتحال لاء ايئن چئي سگجھي ٿو ته ، سنڌ جي حقيقي ، سنڌ دوست ، محب وطن قيادت ختم ٿي چڪي آهي. انهيء حقيقي محب وطن سياست کي تباه ٿيڻ ۾ صرف ڪجھ ڏهاڪا لڳا آهن. انهيء مجموعي صورتحال ۾ اڄ سنڌ کي ” شيطان صفت درندا “ حاڪميت ۽ مالڪي ڏيکارڻ لڳا آهن، انهن وٽ شيطانيء جون سموريون وصفون موجود اهن . جيڪڏهن اهي ” شيطاني صفت درندا “ اڄ اعلانيا يا انهن سان ٻٽ يارانه رکندڙ ” شيطان صفت درندا “ اڄ هڪ مومن سنڌ جي سنڌ جي ماڻهون جا حق غضب ڪري ، کين ننگو الف اگھاڙو ڪري ، پنڻ تي مجبور ڪري رهيا آهن ته انهيء صورتحال ۾ توهان ڪنهن جو ساٿ ڏيندا ، ” شيطان صفت درندن “ جي يا پنهنجي انهيء مسڪين ، اٻوجھ مومن سنڌيء جو ساٿ ڏيندا ؟ جڏهن ته گذريل ڪيترن ئي سالن کان سنڌ جو عوام اهو سڀ ڪجھ ڏسي رهيو آهي ، جنهن ۾ توهان ڀاڙي بزدل ، اوور ايج ، چور ، ڪرپٽ ، بي ايمان ، جاهل وڏيري ۽ ايجنسين جي پڇ لٽڪائن جي حڪومت جي سنڌ اندر مسلسل ظاهري طور تي ۽ انهن جي نالائقيء ۽ انهن جي طرفان ٿيندڙ سنڌ جي تباهي ، بربادي يا ٽوڙ ڦوڙ تي توهان ليڊرن ٻاهر ميدان تي اچي هڪ به احتجاج ڇو نه رڪارڊ ڪرايو آهي. توهان جي خاموشي به اڌ اقرار ڏسڻ ۾ اچي رهي آهي . توهان سڄڻن مان ڪهڙي ڌر اڄ بينر ، جھندا کڻي ، نادار ، ٻوڙو ، گونگو ،وزير اعلي سنڌ جي ست سالن کي روڊن تي اچي سندس حاڪميت کي چئلينج ڪيو آهي ؟ ڪهڙيء ڌر اڄ موجوده وزير اعلي سنڌ جي استيعفا جي گھر ڪئي آهي ، جيڪو پنهنجي غير فطري اتحاديء جي اچڻ جي خوف کان ” ٽيبل “ هيٺان لڪي ويندو آهي ؟ خدارا ! ڊڄو انهيء ڏينهن کان جنهن ڏينهن توهان کي ٻيهر اٿاري اهو سوال ڪيو ويندو ته توهان ته قوم جا اڳواڻ ۽ رهبر ٿيا هيا ، توهان پنهنجي قوم جي لاء ڇا ڪيو ۽ قوم جي ترقيء بجاء توهان انهن جي تباهي ۽ بربادي ڪري ، پنهنجا گھر ڀريا ، قوم جي اولاد کي بکيو ۽ ننگو رکي توهان ، قوم دشمن حاڪمن کان ” تحفا “ ۽ رياعتون ۽ مراعتون ڪهڙي حساب ۾ وٺندا هئا ؟ ياد رکو ! ته توهان انهن ڏوهن مان هتي ته نڪري بچي ۽ عياشي ڪري وٺندا باقي يقين سان سمجھو ته ان حساب ڪتاب واري ڏينهن توهان وٽ ڪو به جواب نه هوندو ۽ واقعي توهان ظالمن مان هوندئو ۽ انهيء ”قومي جرم “ ۾ توهان کي هميشه لاء ” دوزخ جو دنبو “ بڻائي باه جي حوالي ڪيو ويوندو جنهن ۾ توهان رڙندا ، رنڀندا ۽ هميشه لاء سڙندا رهندا ۽ بيشڪ ظالمن ۽ مظلوم جي داد رسي نه ڪندڙن لاء دوزخ جي باه تيار ڪئي وئي آهي.
