ابو ظهبي ۾ کيڏي ويندڙ ٻي ٽيسٽ ميچ جي ٻي اننگز ۾ پنهنجي سلو اسپيڊ سان اسڪور ڪندڙ ٽُڪ ٽُڪ جي نالي سان مشهور پاڪستاني ٽيم جي ڪپتان مصباح الحق پاران ٽيسٽ ميچن ۾ تيز ترين 50 جو نئون عالمي رڪارڊ قائم ڪيو ويو آهي. آسٽريليا خلاف مصباح صرف 22 بالن تي 52 رنسون ٺاهيون جنهن ۾ 4 چڪا ۽ 4 ڇڪا شامل هيا. سمٿ جي هڪ ئي اوور ۾ هن 22 رنسون اسڪور ڪيون.
ان کان اڳ اهو رڪارڊ ڏکڻ آفريڪا جي جيڪ ڪيلس وٽ هيو جنهن 24 بالن تي 50 رنسون ٺاهيون هيون. مصباح الحق پاران سڀ کان گهٽ وقت ۾ 50 اسڪور ڪرڻ جو به رڪارڊ قائم ڪيو ويو. هن صرف 42 منٽن ۾ 50 رنسون اسڪور ڪيون ان کان اڳ بنگلاديش جي محمد الاشرف 27 منٽن ۾ اهو رڪارڊ قائم ڪيو هو.