حضرت پير سائين بنگلي ڌڻي قدس سره پير سائين تجر ڌڻي جي ستن فرزندن مان ٽيون نمبر حضرت پير سائين سيد علي گوهر شاه مسند ٿيو، ۽ ٻي پير پاڳاري طور خدمتن جو سفر شروع ڪيائون، چار رجب 1231 هجري سندن سن ولادت آهي . محبت الاهي ۾ سرشار هئا ، درگاه جي سلسلي کي سنڀالڻ سان گڏ، پنهنجي والد ماجد جي ملفوظات ”خزانة المعرفت“ کي گڏ ڪيائون ، ۽ پاڻ اعلي پايي جا شاعر به هئا ، سندن سنڌي شاعري جو رسالو ، ” اصغر سائين جو ڪلام “ جي نالي سان شايع ٿيو آهي، جماعت کين بنگلي ڌڻي جي لقب سان ياد ڪندي آهي، هاڻوڪي درگاه شريف تي پاڻ آباد ٿيا، دريا جي پائڻ ڪري پنهنجي والد ماجد ۽ ڏاڏي پير سائين روضي ڌڻي جون مزارون به هن درگاه تي منتقل ڪيائون ، پاڻ32 سالن جي ڄمار ۾ 11 ربيع الاول 1263 هجري ۾ وصال فرمايو.
