سمنڊ مان اٿيل اهڙن طوفانن تي نالا رکڻ جو فيصلو سال 2000 کانپوء پاڪستان، ڀارت سري لنڪا،بنگلاديش عمان، ٿائلينڊ ۽ نيپال گڏيل اجلاس ۾ ڪيو. اجلاس ۾ اهو طئي ٿيو ته هر ملڪ پنهنجي پنهنجي پاران 30 کان وڌيڪ نالا ڏي جيڪي طوفانن تي رکيا وڃن، هر ملڪ پنهنجا پنهنجا نالا موڪليا. هاڻي جڏهن به انهن ملڪن ۾ طوفان ايندو آهي ته واري واري سان هر ملڪ جو موڪليل نالو ان طوفان مٿان رکيو ويندو آهي. نيلو فر پاڪستان پاران موڪليل نالو آهي، ان کان اڳ ڀارت پاران موڪليل نالو هُد هُد رکيو ويو هو. نالو رکڻ جو فيصلو ان ڪري ڪيو ويو ته جيئن ماڻهن ۽ ميڊيا کي سمجهڻ ۾ آساني ٿئي ۽ مستقبل ۾ جڏهن به انهن طوفانن جي ڳالهه ٿئي ته ماڻهو جلد ۾ سمجهي وڃن ته ڪهڙي طوفان جي ڳالهه ٿئي پئي.
