سليم سنائي جي فيسبوڪ وال تان ورتل بي بي سي لنڊن جي انتظاميه آڏو احتجاج. حسن مجتبي خلاف کنيئل قدم تي سنڌي ۽ بلوچ رنجيده آهن. بي بي سي اردو جي نسل پرست پنجابي ايم ڊي جي سنڌي صحافي حسن مجتبي خلاف ڪاروائي تي سيڪولر فورم سنڌ ۽ لنڊن ۾ رهندڙ سنڌيئن پاران سڀاڻي بي بي سي جي هيڊڪوارٽر لنڊن ۾ احتجاج ريڪارڊ ڪرايو ويندو ۽ بي بي سي جي انتطاميه کي سندس اردو سيڪشن جي تنگ نظر پنجابي شائونسٽ انچارج جي اهڙي قدم جي پس پرده آئي ايس آئي جي چرچ ۽ سفارش کان باخبر ۽ آگاه ڪيو ويندو. آمريڪا ۾ جلاوطن جڳ مشهور ۽ بي باڪ سنڌي صحافي، اديب ، شاعر ۽ دانشور حسن مجتبي کي بي بي سي اردو جي پنجابي مئنيجنگ ڊئريڪٽر ان جرم ۾ بي بي سي تان هٽايو آهي جو هن سنڌ ۽ بلوچستان جي قومي ڪارڪنن کي کنڀي گم ڪرڻ ۽ ساڙي، چچري قتل ڪرڻ خلاف بي بي سي اردو تي ڀرپور آواز اٿاريو آهي. ان ڳاله مان اندازو ڪري سگهجي ٿو ته پاڪستاني آئي ايس آئي نه صرف پاڪستان ۾ پر پاڪستان کي باهر به دنيا جي ڪنڊ ڪڙڇ ۾ ڪيترو فعال آهي ۽ سنڌ ۽ بلوچستان ۾ ٿيندڙ سندس قهري ڪاروايئن کي وائکو ڪندڙ هر آواز غليظ حربن سان خاموش ڪرائڻ چاهي ٿي. سنڌ جي سموريئن قوم پرست پارٽيئن، سيڪولر ۽ جهموري قوتن جو فرض آهي ته هو بي بي سي کي احتجاجي خط لکي سندس انتظاميه کي اصل سازشن کان باخبر ڪن.
