صحافين کي خاص انٽرويو ڏيندي پاڪستان جي مشهور اداڪار مصطفيٰ قريشيءَ چيو ته مون کي پيپلز پارٽيءَ جي موجوده پاليسين تي کٽڪا آهن. موجوده پيپلز پارٽي اڳوڻي وزيراعظم ذوالفقار علي ڀٽو ۽ محترمه بينظير ڀٽو واري جماعت ناهي رهي. مصطفيٰ قريشيءَ چيو ته مون کي عمران خان ۾ ذوالفقار علي ڀٽو نظر ايندو آهي، پاڪستان تحريڪ انصاف جي چيئرمين عمران خان جڏهن ڪنٽينر تي بيهي آمريڪا کي للڪاريو هو ته مون کي ان وقت ذوالفقار علي ڀٽو جي ياد اچي وئي هئي، هن چيو ته مان عمران خان جي مطالبن جي حمايت ڪيان ٿو، پر تحريڪ انصاف ۾ شامل ٿيڻ جو فيصلو اڃا ناهي ڪيو.
