مخدوم طالب الموليٰ جا قطعا

[نرمل]

موڪليندڙ: ”نرمل“ کوهارو
مخدوم طالب الموليٰ جا قطعا
هزارين رنگ بدلائي ڏٺاسون،
پراون جا به ڳڻ ڳائي ڏٺاسون،
فقط پنهنجي دران ٿيو حل مشڪل،
ٻيا در ڪيئي کڙڪائي ڏٺاسون.

(2)
گھڻا حرمين مان وحدت وٺن ٿا،
گھڻا دگران جان دائم ٿين ٿا.
گھڻا مومن محبت ۾ مچن ٿا،
گھڻا حاجي به رهزن ٿي اچن ٿا.

(3)
ڪٿي برسر وڏائي تاج آهن،
ڪٿي محبوب جا معراج آهن.
ڪٿي مسڪين مولائي چڱا مڙس،
ڪٿي عاشق مزاج الحاج آهن.

(4)
خيال ئي ٿو ٿئي بيمار اول،
خيال ئي ٿو ٿئي بيڪار اول،
خيال ئي تي سڀئي دارومدار آھ،
خيال ئي ٿو ٿئي بيدار اول.​