شاعر، ليکڪ ۽ ڪمپيوٽر تي سنڌي ٻولي لاء ڪم ڪندڙ
امر فياض ٻرڙي
کي جنم ڏينهن جون واڌايون
امر فياض کي هڪ ڊگهي عرصي کان پڙهندو رهيو آهيان، هو سنجيدگي سان ڪم ڪندو رهي ٿو. منهنجي پاڙي جو هجڻ باوجود هن سان ملاقات هڪ ڊگهي عرصي تائين ڪانه رهي. ان باوجود ۾ هڪ ٻئي سان ويجهڙائپ هئي. ايس ايم ايس، فون ۽ فيسبوڪ تي اڪثر رابطو رهندو آيو. گذريل هفتي ملاقات ٿي ته اها به ڪجهه اهڙي حالتن ۾ جو رات جو 11 بجي سندس گهر پهتاسين. پاڻ ٻاهر آيا آفيس کوليائون ۽ مونکي ننڊ پئي آئي ... پر امر فياض، رشيد سمون ۽ عامر ضياء جڏهن صرف ۽ صرف سنڌي ڪمپوٽنگ تي ڳالهائڻ لڳا ته مان به ان جو حصو ٿي ويس. ان دوران چانهه، ڪشمش، نيزا، بادام ۽ اکڙوٽ به هلندا رهيا ... ڳالهين ۾ رات جو هڪ ٿي ويو خبر ئي ڪانه پئي .... ان رات وقت محدود لڳو .... وري ملاقاتون ٿينديون.سنڌي ٻولي جي ترقي لاء ڪوشان امر فياض لاء دعائون ۽ نيڪ خواهشون.
