ماضي جون ڪجهه ناياب تصويرون اسامه کان اوباما تائين

ڪڏهن ڪڏهن ماضيءَ ۾ جھاتي پائڻ تي توهان کي حيرت ٿيندي هوندي، مشهور شخصيتن ۽ معروف واقعن جون ڪجهه تصويرون ته توهان ڏٺيون هونديون، پر جيڪو آئون توهان کي ماضي جون ڪجهه يقين ۾ ايندڙ تصويرون ڏيکارڻ وڃان پيو شايد ئي ان کان پهري اهي توهان ڏٺيون هُجن. يقين اٿم ته مشهور شخصيتن ۽ واقعن جون تصويرون ڏسي توهان حيرت ۾ وٺجي ويندا.

شايد ئي توهان کي يقين نه اچي ته اها تصوير اسامه بن لادن جي آهي ، اسامه بن لادن ڪراٽي جي ڪلاس ۾ پنهنجي ساٿين سان گڏ.


بروس لي هڪ مشهور فلمي اداڪار هئڻ سان گڏوگڏ مارشل آرٽ انسٽرڪٽر ۽ فلم ميڪر به هو. هن تصوير ۾ بروس لي رقص ڪندي.


ٽيڪنالاجي دنيا جي پهريون نمبر ڪمپني مائڪروسافٽ مالڪ ۽ دنيا جي اميرترين شخص بل گيٽس جي هيءُ تصوير ان وقت ورتي وئي جڏهن هُو لائسنس کان بغير ڊرائيونگ ڪرڻ جي ڏوهه ۾ گرفتار ٿيو هو.



مشهور سائنسدان البرٽ آئنسٽائن جي هڪ ناياب تصوير جنهن ۾ کيس Fuzzy Slipper پاتل آهن.


مشهور مزاحيه اداڪار چارلي چپلن ۽ البرٽ آئنسٽائن جي هڪ تصوير


هي بيٽ مين جي سيٽ تي ٿيندڙ شوٽنگ جي ناياب تصوير آهي ۽ هي تصوير 1966ع ۾ ورتي وئي.


ڇا توهان سڃاڻو ٿا هن شخصيت کي ؟ جي ها هيءُ آهي آمريڪا جي صدر باراڪ اوباما جي جوانيءَ جي هڪ يادگار تصوير.


مشهور باڪسر محمد علي نوجوان کي خودڪشي کان روڪڻ لاءِ ان سان ڳالھ ٻولھ ڪندي.


Yankee اسٽيڊيم ۾ ٿيندڙ هڪ باڪسنگ ميچ جي تصوير جنهن کي ڏسڻ وارن جو انگ هزار ۾ نه بلڪه لکن ۾ آهي . هي اسٽيڊيم نيو يارڪ ۾ آهي.


1945ع ۾ ناگاساڪي ۾ ٿيندڙ ائٽمي حملي ۾ بچي ويندڙ هڪ عورت . آس پاس ۾ ٿيندڙ تباهي جو منظر .


دنيا جي مشهور ڪمپني ايپل جو باني اسٽيو جابز جي جواني جي تصوير جنهن ۾ هُو بل گيٽس سان گڏ آهي.


چارلي چپلن جي هڪ ٻي يادگار تصوير جنهن ۾ هُو مهاتما گانڌي سان گڏ آهي.


مشهور فلمي اداڪار آرنلڊ جي هي تصوير ان وقت جي آهي جڏهن هُو پهريون ڀيرو نيويارڪ ويو هو.


مشهور سامونڊي جھاز ٽائٽنڪ جي آخري تصوير


آمريڪا ۾ موجود يادگار مجسما Rushmore Mt. جي هيءُ تصوير ان وقت ورتي وئي جڏهن اهو تيارين جي مرحلي ۾ هو ، هي مجسما پهاڙن کي گَهڙي ٺاهيا ويا.


هي تصوير ان وقت ورتي وئي جڏهن گولڊن گيٽ برج جي تعمير جو ڪم هلندڙ هو.


1932ع ۾ هڪ ڊگهي ۾ ڊگھي عمارت جي تعمير دوران گولف کيڏيو پئي وڃي.​

 

هي ته هڪ موضُوع آهي. جيڪڏهن دلچسپ ۽ عجيب سيڪشن غور سان ڌسندؤ ته توهان کي کوڙ سارا ليک پيا هوندا.

 

ڏاڍي سُٺي ڪليڪشن آهي. پُل تي ياد آيو ته ايشيا ڱي يورپ سان ڳنڍيندڙ پُل باسفورس برج به تاريخي پُل آهي جيڪا باسفورس سمنڊ (دريا نما سمنڊ جي پٽي جيڪا بحرِ اسود ۽ ڀؤنچ سمنڊ کي ڳنڍي ٿي) مٿان ٺهيل آهي. اهو واحد آسان رستو آهي ايشيا کان يورپ خُشڪي رستي وڃڻ جو ۽ سامونڊي جهازن لاءِ پڻ سهولت رهي ٿو جيڪي اوڀر کان بلغاريه، آسٽريا، يوڪرين يا روس جو سامان ڍوئي وڃن ٿا ۽ هن پُل هيٺيان گُذرن ٿا. ان جي پراڻي، زيرِ تعمير واري حالت ۽ هاڻوڪي تصوير هيٺ ڏجي ٿي.

​