سِڪَ سِڪَائَي سِڪُ، سِڪَ نَه آهَي سُٿِرِي لِڪَ لِڪَوٽِيءَ لِڪُ، تَه کَرَنِ خَبَرَ نَه ٿِئَي سُرُ آسَا لڪَوٽيءَ = ڳجهيءَ طرح، مخفي انداز ۾، ڳجهه ۾ کَرَن = پيار جا ويري، دشمن، رقيب، ساڙ سڙيا بيت جو پس منظر ~ محبوب جي سڪَ کي پنهنجي سيني اندر سانڍي رک ڇو ته اها ماڻهن جي نظر ۾ گناهه ۽ پاپ سمجهي وڃي ٿي. ~ تنهنڪري جيترو به ٿي سگهي ته ان کي عام جي آڏو ظاهر نه ڪر متان پيار جي ويرين کي نه خبر پئجي وڃي. سمجهاڻي ڀٽائيءَ جو هي بيت محبوب ۽ منزلن جي ڳولائن لاءِ هڪ وڏوchallenge ۽ security بابت وڏي حڪمت عملي آهي. اڄوڪو سنڌي سماج وڏيرڪي, قبيلائي, جرڳائي ۽ مدي خارج سوچ جو حامل آهي.هتي پيار ڪرڻ ۽ آزادي ۽ آجپو گهرڻ گناهه ۽ پاپ تصور ڪيو وڃي ٿو.وڏيرا پاڻ ته عياشين ۾ آهن سندن ڪوٽن ۽ حويلين ۾ الائي ڇا پيو ٿئي, پر جيڪڏهن ڪنهن ٻئي ماڻهونءَ پنهنجي پسند جي زندگي گذارڻ لاءِ ڪنهن سان پيار ڪيو ته وڏيرا ڪارو ڪاريءَ جي فتوا جاري ڪري کين قتل ڪرائي ڇڏيندا. جيڪڏهن ڪنهن صدين جي غلاميءَ کان انڪار ڪيو ۽ آزاديءَ ۽ آجپي جي ڳالهه ڪئي ته اهو به ماريو ويندو. سو اچو ته ڀٽائيءَ جي هن فڪر تي عمل ڪندي هر قدم نهايت خبرداريءَ ۽ رازداريءَ سان کڻون ته جيئن محبوب ۽ منزلون ماڻي سگهون. _____ چونڊ، تحقيق ۽ تشريح محترم مظفر منگي صاحب جي ٿورن سان سندس فيسبوڪ وال تان ورتل
