باصلاحيت ۽ نوجوان شاعر، سنڌ سلامت جي مانواري ميمبر ۽ پياري دوست
شاهجهان سُميل
کي جنم ڏينهن جون واڌايون
سندس شاعريءَ مان ڪجهه چونڊ شاعري اوهان سان شيئر ڪجي ٿي :
غزل
رات ساري آ مگر
بيقراري آ مگر
هُن کٽي ناهي پرين
پاڻ هاري آ مگر
ڪين هو ماڻا ڪري
سونهن واري آ مگر
نيڻ تنهنجي راهه ۾
انتظاري آ مگر
ها کلڻ جون حسرتون
اشڪباري آ مگر
زندگي توکان سوا
ها گذاري آ مگر
____
شاهجهان سُميل
کي جنم ڏينهن جون واڌايون
سندس شاعريءَ مان ڪجهه چونڊ شاعري اوهان سان شيئر ڪجي ٿي :
غزل
رات ساري آ مگر
بيقراري آ مگر
هُن کٽي ناهي پرين
پاڻ هاري آ مگر
ڪين هو ماڻا ڪري
سونهن واري آ مگر
نيڻ تنهنجي راهه ۾
انتظاري آ مگر
ها کلڻ جون حسرتون
اشڪباري آ مگر
زندگي توکان سوا
ها گذاري آ مگر
____
وري آ جنوري جانا
هميشه سرد موسم ۾
جلي ٿي باهه جذبن جي
پوي ٿي دل ٻري جانا
وري آ جنوري جانا
اسان جي سوچ جا ڀاڪر
پرين توکي ئي ٿا چاهن
ٿئي ٿي دل چري جانا
وري آ جنوري جانا
هجر جو حال ڪهڙو بس
سوا تنهنجي نه هڪ پل لئه
اسان جي آسري جانا
وري آ جنوري جانا
ڊسمبر ۾ رهيا جيڪي
اڌورا خواب شاعر جا
گهُرن ٿا دلبري جانا
وري آ جنوري جانا
غزل
برهه جي هُو باهه سان اٽڪي پئي
عشق جي آڙاهه سان اٽڪي پئي
ٿي ويا سارا وچن ڪوڙا مگر
دل اڃا ويساهه سان اٽڪي پئي
وهڪري جي شور مان محسوس ٿيو
ڄڻ ته سهڻي واهه سان اٽڪي پئي
جن به رستن تان گذر تنهنجو هيو
هر نظر اُن راهه سان اٽڪي پئي
ڳوٺ جون ڪومل کڻي ڪي خواهشون
شهر جي هُو چاهه سان اٽڪي پئي
هُن سنواريا زلف جڏهن هئا، ڦڻي
آئيني جي آهه سان اٽڪي پئي
زندگي جا ساهه کان آهي مٺي
زندگي سا ساهه سان اٽڪي پئي
