ايوب کوسو بارش سوچي ٿي ! سٽون ايوب کوسو

[شاهنواز ٽالپر]

بمن جي چمن ۾ امن ائين کڄي ويو آھي، جيئن بازن جي وراڪن ۾ جھرڪيون کنڀجي وينديون آھن، اھو ڪيترو نه محبوب دور ھو روحانيت ۽ سائنس جي تسلسل جو، ھڪ ئي وقت ۾ سائنس جي عينڪ اکين تي چاڙھي گليلو زمين ۽ ستارن جي گردشن جا رآز پئي ڦلھوريا! ۽ ان ئي دور ۾ سنڌ اندر نوجوان ڀٽائي طنبورو ايجاد ڪري نوان سُر ۽ راڳ پئي ڳوليا ! اڄ سائنس عروج تي پھچي به امن کي وڃائي ڇڏيو آھي پر اُھو ساڳيو طنبورو روحانيت جي راز کي امن جو پرچم سمجھي ماڻھن کي ان عشق جي دعوت ڏيئي رھيو آھي جنھن عشق جي رستن تان امن، پيار ۽ انسانيت جا گلاب ڦُٽن ٿا !