ها مان ”سنڌڻ“ آهيان

[ابو مُرڪ]

لتا ٽهلياڻي

ها مان ”سنڌڻ“ آهيان،

مون کي فخر آهي ته مان سنڌڻ آهيان!

سچ آهي ته مون سنڌ کي ڏٺو به نه آهي،

شاهه، سچل، ساميءَ،

ساڌن، سنتن جي ڀوميءِ ۾،

مون ساهه نه کنيو آهي.

چندن جهڙي مٽي.

پنهنجي لڱن تي نه رکي آهي!

سرسبز کيتن ۾ پيدا ٿيل

فصل جو هڪ داڻو به

منهنجي پيٽ ۾ پيل نه آهي.

سنڌو درياهه جو امرت ڀي

مون نه پيتو آهي.

هيءَ به حقيقت آهي ته

مان ڄائي هند ۾ آهيان.

پوءِ به مان ”سنڌ جي سنڌڻ“ آهيان