تعليم حاصل ڪري وقت ضايع ڪيم..........؟ ذڪر ھڪ گوري سان ملاقات جو.......

مُھذب ملڪن جا ماڻھو پنھنجي ملڪ جو سربراھ ، عوامي نمائندا ، کاتن جا قلمدان ، ادارن جا اعلي آفيسرن کي مقرر سندس تعليم جي آڌار تي ڪندا آھن پر اسان جي ملڪ توڙي سنڌ ۾ مقررين جا پيمانا ڏسي آسٽريلوي گوري جي ڳالھه ياد اچيو وڃي جنھن سان ڪجھه وقت اڳ حيدرآباد ۾ ملاقات ٿي ھئي ، حيدرآباد جو رڪشي ۾ چڪر لڳائڻ کانپوچيائين پاڪستان ۾ اچي يقين ٿي ويو آھي واقعي خدا آھي جيڪو ھلائي رھيو آھي.
اڄ ھڪ دوست سان حالي احوالي ٿيندي ٻڌائين ته يار سنڌ سطح تي ڪم ڪندڙ ھڪڙي سماجي اداري ۾ سوشل موبلائيزر جي پوسٽ لا اپلائي ڪيم پر ڪاميٽي وارن انٽرويو ۾ مون تعليم يافته ۽ تجربي واري بدران ھڪ ميٽرڪ پاس کي سليڪٽ ڪين ان جو سبب اُھو اميدوار ان اداري جي تنظيمي شعبي جي صدر جو نور نظر ھو ۽ مزي واري ڳالھه ته صدر خود آڱوٺي ڇاپ آھي ...... ھاڻ اھو سوچيان پيو ته اسان وٽ سليڪٽ ٿيڻ جو معيار سفارش آھي اجايو ماسٽر ڪري پنچ سال ضايع ڪري ڇڏيم.
مڃون ٿا تعليم جو مقصد صرف نوڪري حاصل ڪرڻ نه آھي پر حصو ضرور آھي پر جنھن معاشري ۾ تعليم يافته سان اھڙي ويڌن ھجي اھو پنھنجو اولاد ڪھڙي دل سان پڙھائيندو ڇاڪاڻ ته انسان جي سوچ ۾ آسپاس جي ماحول جو به وڏو عمل دخل ھوندو آھي.

 

بلڪل سچ سائين

 

بلڪل ادا عبدالحفيظ جنھن محنت ڪئي ان جي محنت ضايع ڪون ٿيندي ،

 

هن موضوع کي مختلف موضوع وري سيڪشن ۾ رکو ته مهرباني ٿيندي
سليمان وساڻ ، عبيدالله ”عبيد“ ٿهيم ،

 

بلڪل درست ادا

 

ادا سائل مھراڻ مختلف موضوع واري سيڪشن ۾ آئون ٿو رکي سگھان يا سنڌ سلامت جي انتظاميه رکندي ؟ رھنمائي ڪجو

 

ادا اسان وٽ تمام گهڻو مرض سفارش جو ئي آهي سفارش انهن جي هوندي آهي جيڪي وڏن عهدن تي هوندا آهن يا وري اُهي وڏيرا هوندا آهن ڇو جو وڏيرن وٽ اليڪشن ۾ ووٽ هوندا آهن ان ڪري انهن جي سفارش سان انهن جو پٽ يا ڪو ٻيو رشتيدار ڪنهن به عهدي ته سليڪٽ ٿي ويندو آهي ڀلي کڻي اُهو آگُوٺي ڇاپ ئي ڇو نه هجي
جيستائين اسان جي قوم پاڻ کي تبديل نه ڪندي تيستائين اسان کي انصاف نه ملندو
. اڄ ڪلهه ٻهراڻي وارا تعليم کان مايوس ڇو آهن ڪڏهن انهن کان ڪنهن پڇو آهي ؟؟
انهن جو هڪ ئي جواب هوندو آهي اسان هاري، مزدور ۽ غريب آهيو اجايو خرچ ڪري ٻارن کي ته پڙهايون ٿا پر نوڪري ملندي ته ڪنهن وڏيري جي پٽ کي !!!!!​

 

ادا اهڙا اختيار صرف انتظاميه وٽ آهن تڏهن هنن کي ٽيگ ڪيو آهي
ادا ناراض نه ٿجو ڇو ته اسين صحت واري سيڪشن ۾ جڏهن جيڪڏهن شاعري رکنداسين ته ضرور اهو خراب لڳندو، اوهان اڃان هتي نوان آهيو هن ڪري اوهان کي ڪجهه ڏينهن لڳندا جو اوهان کي خبر پوندي تي ڪهڙو موضوع ڪهڙي سيڪشن ۾ هجڻ گهرجي يا ڪهڙو مواد ڪٿي هجڻ گهرجي

 

بلڪل ادا سائل مھراڻ .... نوان آھيون خبر پئجي ويندي وقت سان .
پر سنڌي ۾ پھاڪو آھي ته پڇڻو نه منجھڻو..... سو بس اوھان جو ساٿ کپي.
سنڌ سلامت ساٿ سلامت