ڪرسمس پارٽي (ڊپارٽمينٽ آف انوائرنمينٽال انجنيئرنگ)

[گورڌن ولاسائي]

25 ڊسمبر تي هجيتيپي يونيورسٽي جي ڊپارٽمينٽ آف انوائرنمينٽال انجنيئرنگ طرفان ڪرسمس پارٽي منعقد ڪئي وئي جنهن ۾ تقريبن سمورن اُستادن ۽ شاگردن ڀرپور طريقي سان شرڪت ڪئي. پارٽي ۾ هرشرڪت ڪندڙ پاران هڪ هڪ گفٽ قرعه اندازي بعد ورهائڻ لا شامل ڪيو. جيڪي پارٽي جي اختتام تي قرعه اندازي ڪري ورهايا ويا.

پارٽي ۾ ڪافي شريڪ ڪندڙن پنهنجي پنهنجي گهران مختلف قسمن جا کاڌا، مٺايون ۽ جوس وغيره آندا ويا. پارٽي جي آخر ۾ چيئرپرسن سمورن شريڪ ڪندڙن جو شڪريو ادا ڪيو.

پارٽي دوران ڇڪيل ڪجهه تصويرون هتي شيئر ڪجن ٿيون.

 

[گورڌن ولاسائي]

ڇا واقعي هي پارٽي ۽ تصويرون ڪنهن کي به پسند نه آيون؟

 

[عبدالحفيظ لغاري]

ڇا واقعي هي پارٽي ۽ تصويرون ڪنهن کي به پسند نه آيون؟

منهنجي نظر مان هي موضوع هاڻ ئي گُذريو آهي. مون کي ته جام پسند آيون.
ايزگي ڇو چُپ چُپ ۽ ويڳاڻي آهي؟

 

[سليمان وساڻ]

ڇا واقعي هي پارٽي ۽ تصويرون ڪنهن کي به پسند نه آيون؟

هڪ هفتو سنڌ سلامت کان پري هجڻ سبب هي موضوع اکين کان اوجهل رهيو ۽ اڄ ٻيهر اوهان جي يادگيري ڪرائڻ تي نظر مان گذريو .... بهترين تصويرون ۽ خاص ڪري مسڪراهٽون ته خوب وڻيون. جڏهن غم گهٽ هجن ته مسڪراهٽون جام ملنديون آهن ۽ اسان وٽ وري ان جي ابتڙ هر قدم تي غم، ڏک ۽ درد سان ڀريل ڪهاڻيون آهن ۽ ساڳي وقت مسڪراهٽ جي پويان به ڪو درد لڪل لڳندو آهي.

پارٽي ۾ ڪافي شريڪ ڪندڙن پنهنجي پنهنجي گهران مختلف قسمن جا کاڌا، مٺايون ۽ جوس وغيره آندا ويا.

هاڻي اهو به ٻڌايو ته اوهان گهران ڪهڙو طعام ٺاهي ويا هئا ..... !!!!

يا هن دفعي به مفتي جا مزا ماڻيندا رهيا؟

 

[زاھد حيدر ملاح]

لاجواب

 

[گورڌن ولاسائي]

منهنجي نظر مان هي موضوع هاڻ ئي گُذريو آهي. مون کي ته جام پسند آيون.
ايزگي ڇو چُپ چُپ ۽ ويڳاڻي آهي؟

ها ايزگي (سائي ٽي شرٽ سان) سان ان ڏينهن سندس ساٿي سان هلڪو ڦڏو ٿيو هو، سو منهن لٿو پيو اٿس.

 

[گورڌن ولاسائي]

هاڻي اهو به ٻڌايو ته اوهان گهران ڪهڙو طعام ٺاهي ويا هئا ..... !!!!
يا هن دفعي به مفتي جا مزا ماڻيندا رهيا؟

خبر اٿئي ته اهڙو ڪم پُڄي ڪونه، باقي سڀني صلاح هنئي ته منهنجو ٺاهيل کاڌو سُٺو اٿئي، کائي ٻڌائي، تعريف ڪرڻ تي ڪو خرچ ڪونه ٿو ٿئي پر چڱا کاڌا هُئا. ان ڏينهن رات واري ماني به نه کائڻي پئي.

 

[تلوڪچند ولاسائي]

زبردست تصويرون ادا