طويل نظم اريشا پريت چوان ڪيئن توکان وڇڙي سگهان ٿي تنهنجي يادن کي دل ۾ سهيڙي سگهان ٿي تنهنجي قولن تي اعتبار ڪري سگهان ٿي تنهنجي ڪري لوڪ سان لڙي سگهان ٿي تنهنجي قدمن تي سر جهڪائي سگهان ٿي چوان ڪيئن توکان وڇڙي سگهان ٿي ڏس نيڻن ۾ پنهنجي عڪس منهنجو شامل ڪري ڇڏ مون سان وجود پنهنجو تولئه ڇڏينديس پرايو پنهنجو تنهنجو هر حڪم اکين تي رکان ٿي چوان ڪيئن توکان وڇڙي سگهان ٿي جيڪي لکيا ها تو مون کي خط چمي اکين تي رکيم سي خط روز ڏسان ٿي تنهنجا اهي خط اهي خط دل ۾ سانڍي سگهان ٿي چوان ڪيئن توکان وڇڙي سگهان ٿي منهنجي لبن تي سمايل تنهنجي خوشبو فضا مان آئي مون کي تنهنجي مهڪ جتان گذرين اتي سمائجي تنهنجي مهڪ تنهنجي مهڪ ساهن سمائي سگهان ٿي چوان ڪيئن توکان وڇڙي سگهان ٿي ڪجهه يادون آهن هن شهر ۾ کلياسين رناسين هن شهر ۾ ملياسين وڇڙي وياسين هن شهر ۾ هن شهر کي ڪيئن ڀلائي سگهان ٿي چوان ڪيئن توکان وڇڙي سگهان ٿي وڻ مان آخر ڇڻياسين پن وانگر ڪٿي ته وکري وياسين پن وانگر صحرائن ۾ اڏرياسين پن وانگر پن وانگر ڇڻي وکري سگهان ٿي چوان ڪيئن توکان وڇڙي سگهان ٿي سگريٽ جيان دکندا رهياسين بڻجي خاڪ وري وسندا رهياسين ڪڏهن دکندا ڪڏهن جلندا رهياسين دکي دکي وسائجي سگهان ٿي چوان ڪيئن توکان وڇڙي سگهان ٿي روئي اسان گهريون دعائون تولئه پنهنجون ننڊون ڦٽايون تولئه ڪيئي سجدا اسان ڪيا تولئه توکي سجدا ڪري سگهان ٿي چوان ڪيئن توکان وڇڙي سگهان ٿي تنهنجي شهر ۾ متل هو ڪو ميلو جوڙا ڪيئي ڏٺم جت لڳل هو ميلو لڙڪ لڙي پيا جڏ ڏٺو مون ميلو اکڙين مان لڙڪ هاري سگهان ٿي چوان ڪيئن توکان وڇڙي سگهان ٿي تو کان پوءِ اڄ هيون سنسان ڳليون روشن هيون پر اجنبي لڳيون ڳليون پنهنجي هوندي به پرايون لڳيون ڳليون تن ۾ کڻي ٻيهر نه اچي سگهان ٿي چوان ڪيئن توکان وڇڙي سگهان ٿي تنهن ويل تنهنجي لبن تي هئي مرڪ موهي ڇڏيئي جنهن سان تنهنجي هئي مرڪ وسري نه سگهي مونکان تنهنجي معصوم مرڪ لبن تان مرڪ ختم ڪري سگهان ٿي چوان ڪيئن توکان وڇڙي سگهان ٿي ڇهيو هو توکي ان ويل منهنجي زلفن موهي ڇڏيو هو توکي منهنجي زلفن توکي قتل به ڪيو هو منهنجي زلفن ڪيئن اهي پل وساري سگهان ٿي چوان ڪيئن تو کان وڇڙي سگهان ٿي وڇڙڻ وقت رنو هو آسمان ڪٿي آ پرين منهنجو اي آسمان جدائيءَ جو منظر ڏٺو هو آسمان ڪيئن منظر اهي ڀلائي سگهان ٿي چوان ڪيئن توکان وڇڙي سگهان ٿي اڄ به دل مهنجيءَ ۾ آ تصوير تنهنجي ڪتابن جي ورقن ۾ رکيل آ تصوير تنهنجي جتي به ڏٺو نظر آئي تصوير تنهنجي ڪيئن اهيو عڪس مٽائي سگهان ٿي چوان ڪيئن توکان وڇڙي سگهان ٿي جياري اسان کي ماريندي رهي دنيا تنهنجي هٿ سان زهر جو جام ڏيندي رهي دنيا تنهنجي ڌار ڪري اسان کي خوش ٿيندي رهي دنيا تنهنجي ڀلا ڪيئن دنيا جا ٿورا وساري سگهان ٿي چوان ڪيئن توکان وڇڙي سگهان ٿي.
واھ واھ.. منفرد خيال. ادي توهان جي نظم ۾ سنڌسلامت تي ڪاما (،) فل اسٽاپ ۽ تعجب جي نشاني جي کوٽ نظر اچي پئي. انهي کي دُرست ڪريو ته جيئن پڙهندڙ نظم کي صحيح نموني پڙهي سگهن.
