فلم”پي ڪي“ هڪ يادگار مووي

​

پي ڪي ... هي موووي ضرور هڪ طبقي جي تنقيد ۽ حملن هيٺ رهندي...... مونکي فلم ڏسڻ جو شوق ڪو گهڻو ناهي، هڪ ئي فلم ٻن ٽن قسطن ۾ ڏسندو آهيان. پر حفيظ لغاري سدائين ڪجهه سٺيون موويز ڏئي ويندو آهي ۽ اهي ضرور ڏسندو آهيان، جيئن هن هڪ فلم ثري ايڊيٽ ڏسڻ جو مشورو ڏنو وري اوء ماء گاڊ بهترين فلم لڳي. پي ڪي به اهڙي مووي آهي جيڪا هر هر سوچڻ تي مجبور ٿي ڪري. خاص ڪري اهي سين جن ۾ اسان ڪجهه ٻيو پئي سوچيو پر مووي ۾ ڪجهه ٻيو پئي ٿيو. ڪهاڻي اوء ماء گاڊ جو سيڪوئينس لڳي. مذهب جي سختي، ڊڄ ڏئي ماڻهن کي مذهب طرف آڻڻ ۽ مذهب کي بزنس بنائڻ ... سڀ ڪجهه ان فلم جي ڪهاڻي ۾ هو.

اهي ڳالهيون اسان به ڪندا رهندا آهيون پر هڪ ڊڄ ۾ هوندا آهيون ۽ اسان جون ڳالهيون ڪنهن تي اثر ناهن ڇڏينديون .... پر فلم وڻي.

فلم جو پلاٽ ۽ اسٽوري پڙهو

 

فلم”پي ڪي“ 4 ارب 33 ڪروڙ ڪمائي رڪارڊ جوڙي ورتو


ممبئي (شوبز نيوز) عامر خان جي بلاڪ بسٽر فلم ”پي ڪي“ 4 ارب 33 ڪروڙ رپيا ڪمائي بالي ووڊ ۾ نئين تاريخ جوڙي ورتي آهي، 4 ارب 33 ڪروڙ رپيا ڪمائيندڙ فلم ”پي ڪي“ بالي ووڊ جي سڀني اڳين پوين فلمن جا رڪارڊ ٽوڙي ڇڏيا آهن. فلم پي ڪي هلندڙ سال جي سڀ کان وڌيڪ ڪمائو فلم ثابت ٿي چڪي آهي. ڀارت ۾ فلم 3 سؤ 40 ڪروڙ رپيا ڪمايا جڏهن ته سڄي دنيا ۾ 93 ڪروڙ رپيا ڪمايا اٿائين. ٻئي طرف انتهاپسند هندو فلم جي نمائش روڪڻ لاءِ سڄي ڀارت ۾ مظاهرا ڪري رهيا آهن. انتهاپسند هندن پاران مختلف سينيمائن کي باهه ڏيڻ وارا واقعا پڻ سامهون آيا، جڏهن ته ڀارتي سپريم ڪورٽ پاران فلم ”پي ڪي“ خلاف داخل درخواست رد ڪرڻ کان پوءِ اهڙا واقعا سامهون اچي رهيا آهن.

فلم ”پي ڪي“ خلاف درخواست رد، 2 سئو ڪروڙ کان وڌيڪ ڪمائي وئي


نئين دهلي (شوبز نيوز) ڀارتي سپريم ڪورٽ عامر خان جي فلم ”پي ڪي“ خلاف داخل درخواست رد ڪري ڇڏي، ڀارتي سپريم ڪورٽ عامر خان جي نئين فلم ”پي ڪي“ بابت فيصلو ٻڌايو، فلم ڀارت ۾ اعتراضن جي ور چڙهيل آهي، فلم جي پوسٽر تي اعتراض ٿيو، جنهن کان پوءِ فلم جي ڪهاڻيءَ تي اعتراض اٿاريا ويا، جنهن کان هندن جي مذهبي جذبا مجروح ڪرڻ جا الزام لڳس، فلم تي مڪمل پابندي لڳائڻ جي درخواست ڪئي وئي هئي، هدايتڪار ۽ اداڪار خلاف ايف آءِ آر به ڪٽرائي وئي هئي پر سڀ بيڪار ويو، عدالت چيو ته جنهن کي فلم پسند نه اچي اهو نه ڏسي، فلم ۾ هڪ ايلين جو زمين تي اچڻ ان جو مختلف مذهب جي خدائن کان مدد گھرڻ مندرن، مسجدن ۽ گرجائن ۾ وڃڻ ڏيکاريو ويو آهي، فلم وهم پرستيءَ تي سوال اٿاريو آهي. ٻئي طرف رليز جي 9 ڏينهن ۾ فلم ”پي ڪي“ 2 سئو ڪروڙ رپين کان وڌيڪ ناڻو ڪمائي ورتو آهي.

 

دوستن ڏسيو ته اشتياق ٿيو ته فلم ڏسجي .. پر قيمتي وقت ضايع ٿيڻ جي خوف خاطر پهريان رويو معلوم ڪرڻ ٿي چاهيم.. جيڪڏهن ڪو ٻيو ساٿي به اهو پيو سوچي ته حاضر آهي مڪمل مووي رويو... اميد ته هن وڊيو جو هندي هجڻ نظر انداز ڪندا..

​

 

ڀارتي انتهاپسند تنظيم جو ”پي ڪي“ جي نمائش ڪندڙ ٻن سينيمائن تي حملو

(شوبز نيوز) ڀارت جي انتها پسند تنظيم بجرنگ دل جي حمايتي مظاهرو ڪندڙن احمد آباد ۾ فلم ”پي ڪي“ جي نمائش ڪندڙ ٻن سينيمائن تي حملو ڪري ڏنو. ڀارت جي سڌ سماءَ وارن ذريعن موجب انتها پسند هندن جي تنظيم جي حامي 20 مظاهرو ڪندڙن احمد آباد جي ٻن سينيما گهرن، جتي فلم پي ڪي جي نمائش ٿي رهي هئي، تي حملو ڪري هتي فلم جي نمائش کي روڪڻ جي ڪوشش ڪئي. ان حوالي سان گجرات جي وزيراعليٰ جويلات مهتا جو چوڻ هو ته سڀني سينيما گهرن ۾ فلم پي ڪي جي نمائش جاري آهي ۽ اسان خبردار ڪيو هو ته فلم جي نمائش نه ڪئي وڃي نه ته هتي به اهڙا ئي حملا ۽ مظاهرا ٿيندا. جيڪڏهن عامر خان جو ارادو هندوئن جي عزت نفس کي مجروح ڪرڻ نه هو ته فلم انهن جي مذهب بابت ڇونه ٺاهي وئي ؟ هن ٻڌايو ته هن سڀني سينيما گهرن کي فلم جي نمائش روڪڻ لاءِ چيو ته سندس ڳالهه نه مڃي وئي. پوليس اختيارين جو چوڻ آهي ته جيڪي ماڻهو حملي ۾ ملوث آهن تن جي اڃا تائين سڃاڻپ نه ٿي سگهي آهي.

 

ممبئي (شوبز نيوز) بالي ووڊ فلم پي ڪي باڪس آفيس تي سمورا رڪارڊ ٽوڙي ڇڏيا آهن، ڀارتي ميڊيا موجب فلم رليز ٿيڻ جي پهرئين ٻن هفتن ۾ مظاهرن باوجود ڌوم ٿري جي 542 ڪروڙ بزنس جو رڪارڊ ٽوڙي سڄي دنيا ۾ 544 ڪروڙ جو بزنس ڪيو آهي، فلم تيزي سان 6 سئو ڪروڙ ڪلب ۾ داخل ٿيڻ طرف وڃي رهي آهي، واضح رهي ته پي ڪي ۽ ڌوم ٿري بالي ووڊ جون 2 فلمون آهن، جيڪي هاڻي تائين 5 سئو ڪروڙ ڪلب ۾ داخل ٿيون آهن. فلم ۾ مرڪزي ڪردار عامر خان ۽ انوشڪا شرما ادا ڪيو آهي، جيڪا مختلف مذهبن ۾ موجود لاڙن تي ٻڌل آهي. ان فلم خلاف ڪيترن ئي شدت پسندن احتجاجي مظاهرا پڻ ڪيا آهن جن جو چوڻ آهي ته ان فلم ۾ سندن مذهب کي مذاق بڻايو ويو آهي. فلم 19 ڊسمبر تي رليز ٿي جنهن هن وقت تائين سڀ کان وڌيڪ بزنس ڪيو آهي.

 

فلم پي ڪي جي سنڌي ڊائريڪٽر راجو هيراني کان جڏهن جنگ جي ٽيم انٽرويو وٺڻ وئي ته اجرڪ جو تحفو وٺندي سندس اکين ۾ لڙڪ اچي ويا. ياد رهي ته راجو هيراني جو پيء محرابپور سان تعلق رکندڙ هو.



سندس مڪمل انٽرويو روزانه جنگ جي هن صفحي تي پڙهي سگهو ٿا.

 

جڏهن اسڪرپٽ تيار ٿي ويو ۽ فلم جي عڪس بندي بلڪل تياري هيٺ آئي ته ڪيريڪٽر Pk لاءِ اداڪار جي چونڊ ۽ جو ڏيک ڏيکاء، اندازِ گفتگو ۽ ڪپڙن جو اسٽائيل سواليه بڻجي ويا... ان سلسلي ۾ راجو هيراني ليکڪ سان ملي ڪهڙيون تياريون ڪيون... ؟ حاضر آهي اسڪرين جي پويان جا ڪجهه منظر هڪ وڊيو جي صورت ۾...

سرگوشي: پي ڪي ڪيريڪٽر ... اسڪرين جي پويان جو وڊيو منظر