نثارابڙو
نائب منتظم
دوستو! سنڌ ۾ تمام سٺا ۽ مٺا انب ٿين، درياهه شاه بادشاهه جي ٻنهي ڪنارن سان هزارين ايڪڙ زمين تي انب جو فصل ٿئي ٿو ... هر قسم جو انب پوکجي ٿو ۽ ان مان لاڀ حاصل ڪجي ٿي.
ڪالهه لولو مارڪيٽ وارن سڄي سعودي عرب ۽ خليج جي ملڪن ۾ 75 جاين تي انب ڏهاڙو ملهايو، جنهن ۾ زراعت واري وزير ڀرپور حصو ورتو ... هن ميلي ۾ 10 ملڪن مان انب جا 150 قسم رکيا ويا جنهن ۾ خاص توجهه هندستان جي انبن کي ڏنو ويو. انب سان گڏ انب مان ٺاهيل مٺايون، ڪيڪ، انب مان ٺهيل مانيون، عربي حلويات، انب جي کٽاڻ ۽ انب واري ڏهيءَ جا قسم رکيا ويا هئا.
دوستو! سعودي عرب اهو ملڪ آهي جنهن ۾ انب جي پئداوار نه هجڻ جي برابر آهي، پر پوءِ به هت هر قسم جو انب ملي ٿو ۽ هتان جي آمدنيءَ جي حساب سان هر هڪ ماڻهونءَ جي قوئت خريد اندر آهن .... سٺي کان سٺو انب لڳ ڀڳ 5 ريال ۾ هڪ سير ملندو آهي.
پر افسوس هن ميلي ۾ ڪٿي به ڪنهن به انب تي ”سنڌ “ لکيل ڪونه هو ... ها هڪ ڪنڊ ۾ پيل ڪجهه انبن تي پنجاب ”پاڪستان“ لکيل هو....!!!، جنهن مان ثابت ٿئي ٿو ته سنڌي واپاري يا سنڌي هاري دنيا کان ڪٽيل آهي ...
