ڏيو ڀل اسان تي بغاوت جو الزام، اسان پاڻ باغي سڏائڻ ٿا چاهيون.

[ابو مُرڪ]

شبنم موتي
عورت جو آواز

وَرهين کان وهايا نيڻن رَت جا ڳوڙها،

هاڻي موٽ ۾ مُرڪ ماڻڻ ٿا چاهيون.


جيڏانهن چاهيو هڪليو، ڇو سمجهو ٿا حيوان،

اسان آهيون انسان، سمجهائڻ ٿا چاهيون.


خواهشون دٻايون ۽ جذبن کي گُهٽيو،

گُهٽيا جذبا پنهنجا جيئارڻ ٿا چاهيون.


سدائين آ گذري ڪوٽن منجهه حياتي،

سڀئي ڏاڍ ڏونگر اڄ ڏارڻ ٿا چاهيون.


اڏيون هن اوهان جيڪي اُوچيون ديوارون،

سڀن تِن ديوارن کي ڊاهڻ ٿا چاهيون.


ويو پهچي ڪاٿئون جو ڪاٿي زمانو،

ننڊ مان اوهان کي اُٿارڻ ٿا چاهيون،


اسان کي سمجهو ٿا ڇو ڪمزور هيڻو،

اسان پنهنجي طاقت مڃائڻ ٿا چاهيون.


ڏيو ڀل اسان تي بغاوت جو الزام،

اسان پاڻ باغي سڏائڻ ٿا چاهيون.

 

[راشد علي چانڊيو]

اسان پاڻ باغي سڏائڻ ٿا چاهيون
واه واه واه

 

[محراب علي سنڌي]

تمام سٺي ڪوشش

 

[سعيد سنڌي]

واه