چين ۾ هاڻي خوبصورت ماڻهن کي پريشان ٿيڻ جي ڪا ضرورت ناهي، ڇو ته چين جي هڪ ريسٽورينٽ اهڙي به آهي جتي خوبصورت گراهڪن کي مفت ۾ ماني کارائي پئي وڃي. چيني ميڊيا موجب چيني شهر ”زنگ ضو“ ۾ واقع هڪ ريسٽورينٽ ۾ کاڌو کائڻ لاءِ ايندڙ گراهڪن ۾ سڀ کان خوش شڪل مرد يا عورت کي مفت ماڻي ڏني ويندي آهي ۽ گراهڪن جي خوبصورتي پَرکڻ لاءِ سندن تصويرون ورتيون ويندو آهن ۽ پوءِ مقامي ڪاسميٽڪ سرجري ڪلينڪ جو عملو انهن تصويرن مان سڀ کان وڌيڪ خوبصورت 5 شخصيتن جي چونڊ ڪندو آهي، جن کي مانيءَ جو بل ادا ڪرڻو ناهي پوندو، مطلب جيڪڏهن توهان خوش شڪل آهيو ته اوهان به ان ريسٽورينٽ جا مهمان ٿي سگهو ٿا. چين ۾ گراهڪن جو ڌيان پاڻ طرف ڇڪائڻ لاءِ ريسٽورينٽن جا مالڪ ان قسم جون آفرون جاري ڪندا رهندا آهن، ان کان ڪجھه وقت اڳ ان ئي قسم جي هڪ آفر مقامي هوٽل گراهن کي ڏني هئي، جنهن موجب 140 ڪلو وزن رکندڙ مرد ۽ 35 ڪلو کان گھٽ وزن وارين عورتن کي هوٽل طرفان مفت کاڌو ڏنو ويندو هو وغيره.
