ڇا مون کي آن لائين انگريزي اخبار سنڌ ٽه ڊي ٻيهر ڪڍڻ گھرجي؟

[محمد خان سيال]

ڇا مون کي آن لائين انگريزي اخبار سنڌ ٽه ڊي ٻيهر ڪڍڻ گھرجي؟
ڪجھه دوستن صلاح ڏني آهي ته سنڌ جي وڌندڙ مسئلن کي نظر ۾ رکندي مون کي هفتيوار انگريزي آن لائين اخبار سنڌ ٽه ڊي ٻيهر ڪڍڻ گھرجي ـ اهڙي اخبار مون 2001 ۾ ڪڍي هئي جنهن تي ملٽري ڊڪٽيٽر جنرل مشرف جي سرڪار 26 جولاءِ 2006 تي بندش وڌي هئي ۽ اهڙي خبر بي بي سي ريڊيو، سنڌ ٽه ڊي جو نالو وٺي نشر به ڪئي هئي ـ اها آن لائين غيرجانبردار هئي ۽ ان جو واسطو ڪنهن خاص سياسي پارٽيءَ سان ڪونه هو ـ ان رڳو سنڌ ۽ سنڌين لاءِ لکيو هو ـ جت انهيءَ اخبار شهيد بينظير جا ٽي انٽرويو ڪيا، اتي بشير خان قريشي، منور لغاري ۽ ٻين ڪيترن جا انٽرويو ڪيا ۽ دنيا جي مختلف ملڪن ۾ رهندڙ سنڌين جي وچ۾ ثقافتي ڳانڍاپي جو بهتر ڪم ڪيو ـ
انهيءَ اخبار جو سارو خرچ مون ذاتي طور برداشت ڪيو هو جو ان وقت مان نوڪريءَ ۾ هوندو هوس ـ جيئن ته هاڻ مان ريٽائر آهيان سو سمورو خرچ ڀرڻ جي پوزيشن ۾ هرگز ناهيان البت جيڪڏهن سرنديءَ وارا سنڌي ۽ خاص ڪري ڏيساور ۾ رهندڙ سنڌي عملي طرح مالي مدد ڪن ته اهو ڪم سولو ٿي سگھي ٿو جڏهن ته ماضيءَ ۾ جن مدد جا وڏا وڏا وعدا ڪيا تن ڪونه پاڙيا ـ
مهرباني ڪري دوست انهيءَ رٿ تي سنجيدگيءَ سان صلاح ڏين ته ڇا ڪجي

 

[سليمان وساڻ]

مان سمجهان ٿو ته اها وقت جي اهم ضرورت آهي ته اسانکي وڌ کان وڌ انگريزي اخبارون ڪڍي پنهنجو آواز دنيا تائين پهچائڻ گهرجي.

ان سلسلي ۾ سڀ کان وڌيڪ رنڊڪ پئسو ئي آهي. ان سان گڏ هيومن ريسورسز ۽ هنري ماڻهو ..... پر پئسا هوندا ته سڀ ڪجهه ٿي ويندو.

 

[TAHIR SINDHI]

سائين ڪاٿو لڳايو، ڪيترو خرچ آهي، يعني هر هفتي اخبار نڪري ته مهيني جو ڪاٿو به لڳائي ٻڌايو. ٿي سگهي ٿو الله ڪو رستو ڪڍي.
سنڌڙي تي سر ڪير نه ڏيندو
سهندو ڪير ميار.