امريڪا جي ستارن جي ماهرن خلائي دوربين تان ورتل 20 لک تصويرون جوڙي ڪهڪشان ملڪي وي جي مڪمل تصوير تيار ڪري ورتي. ان تصوير کي گلمپس 360 جو نالو ڏنو ويو آهي ۽ ان جي پهريون ڀيرو نمائش گذريل ڏينهن ڪئناڊا جي شهر وينڪوور ۾ ڪئي وئي. ناسا جي ماهرن مطابق سموريون تصويرون خلائي دوربين اسپٽرز تي نصب انفرا ريڊ ڪئميرا تان ورتيون ويون آهن ۽ انهن جي مدد سان ٺاهيل ملڪي وي جي تصوير اسان جي ڪهڪشان جو هڪ منفرد نظارو پيش ڪري ٿي. ان تصوير جي مدد سان اسان پنهنجي ڪهڪشان جي سائيز جو وڌيڪ بهتر اندازو لڳائي سگهون ٿا ڇاڪاڻ ته ۾ ان ۾ مفاصلن جي ماپ ڪهڪشان ۾ پکڙيل گئس بدران ستارن جي مدد سان ڪري سگهجي ٿي. نئين تصوير کي ڪمپيوٽر اسڪرين تي وڏو ڪري به ڏسي سگهجي ٿو.
مڃان ٿو ته الله پاڪ مونکي ڏات ڏِني آهي مالڪ جا اڻ ڳڻيا احسان آهن مون مسڪين مٿان. پر ادا اها ته هڪ وڏي ڪوشش آهي. 20 لک تصويرون خلائي دوربين سان ڪڍي، پو انهن کي اهڙي ترتيب سان ملائڻ جو باقاعده اصل لڳي واقعي به آمريڪا وارن ڪمال ڪري ڇڏيو آهي باقي ادا اهڙيون خيالي تصويرون ته مون جهڙا ٻيا به کوڙ ماڻهو ٺاهي سگهن ٿا. پر ادا اصل شئي اصل هوندي آهي.