جبار آزاد منگي هڪ سياستدان مشرف جي سياست تي ڳالهائيندي چيو ته مشرف هن ملڪ جي تباهي ڪرڻ ۾ ڪا به ڪسر نه ڇڏي هن جي دور ۾ ملڪ جي معيشت تباھ ٿي چڪي هئي،اسان جي حڪومت نه اچي ها ته ملڪ جو ڏيوالو نڪري وڃي ها. ڀر ۾ ويٺل ساڳي پارٽي جي ٻئي سياستدان پنهنجي آسپاس جو جائزو ورتو ۽ جڏهن هن کي پڪ ٿي ته اسان جا احوال ٻيو ڪو به ٻڌي نه رهيو آهي ته هن پهرين سياستدان کي چيو ته ڀلا نصيب مشرف جا جو هن بلدياتي نظام آڻي الاهي ڏوڪڙ ڏنا،جنهن نظام وسيلي اسان سنڌ جي هر مڪاني اداري جي ڀينگ ڪري ڇڏي آهي، ملڪ ۽ سنڌ جو ڏيوالو ته اسان جهڙن يارن ملي ڪري ڪڍيو آهي.يار هڪڙي ڳالھ مڃبي ته اهيو مشرف جو نظام ئي ته آهي جنهن اسان جهڙن ڪنگلن کي ڪروڙ پتي بڻائي ڇڏيو آهي.
