خيرپور ضلعي جي ڄاڃي ٻرڙا سان تعلق رکندڙ شاعر، ليکڪ ۽ ريڊيو پروڊيوسر ڪوثر ٻرڙي جو غزل اوهان اڳيان شيئر ڪجي ٿي، غزل ڪوثر ٻرڙو لڳي ٿو صدين کان سڪايل رهي ٿو نديءَ جي ڪناري اڃايل رهي ٿو بن بن ۾ ڀٽڪي پرين پنهنجو ڳولي مگر پاڻ ان ۾ وڃايل رهي ٿو آهي دل اسان جي يا سنڌ جي آ ڌرتي ايڏو درد جنهن ۾ سمايل رهي ٿو اسان جي ته دل جي صحن ۾ سدائين تڏو درد غم جو وڇايل ملي ٿو صنم ساڻ ملبو سڄو راز سلبو دنيا کان جو دل ۾ لڪايل رهي ٿو مسيحائي ڪنهن جي ڪندو ڪهڙي ڪوثر هو خود جيڪو جڳ جو ستايل رهي ٿو
