Nadeem Hussain Chang
سينيئر رڪن
فيض گنج ۾ احتجاج ته ڪا نئي شئي نه آهي پر هي احتجاج فيض گنج جي تاريخ جو پهريون احتجاج آهي جيڪو شهرين طرفان بنيادي سهولت حاصل ڪرڻ لا لڳايو آهي جيڪو گذريل ڏهن ڏينهن کان جاري آهي .پر افسوس جي ڳاله اها آهي ته ڏهن ڏينهن کان جاري هن احتجاج کي ختم ڪرائڻ لا نه ڪو چونڊيل نمائيندو نه ئي وري ڪو حڪومتي يا پيپلز پارٽي جو ڪو اڳواڻ وٽن پهتو روزاني بنياد تي لڳندڙ هن ڌرڻي ۾ صبح ٿيندي ئي شهري پهچي وڃن ٿا ۽ گيس ڏيو گيس ڏيو جا نعرا لڳائيندا رهن ٿا هتان گذرندڙ هر شخص جي نظر جو محور پڻ رهن ٿا 1921 ۾ قائم ٿيندڙ هن تعلقي جي آبادي 1998 مطابق 2 لک 85 هزار آهي پر انيڪ مسئلن کي منهن ڏئي پيو ان جو مکيه سبب اسانجي سياسي اڳواڻن طرفان نذرانداز ڪرڻ چئجي سياسي انتقام جو نشانو چئجي ته غلط نه هوندو هن تعلقي جي سياست تي سيد خاندانن ۽ ٻانڀڻ قبيلي جو قبضو رهيو آهي جن هميشه هن علائقي جي مسئلن کي پنهنجي انا جي ور چاڙهي ڇڏيو هن تڪ تي ايم اين اي رهندڙ عبدالقادر شاه جيلاني ڪڏنهن به هن علائقي جي مسئلن تي ڌيان نه ڏنو ان کان پو هن تڪ جي واڳ پير صدرالدين شاه راشدي جي هٿ اچي وئي جيڪو پير پاڳارو ستون جو پٽ ۽ موجوده پير پاڳاري جو ڀا آهي مسلسل چوٿون ڀيرو هن تڪ جو ايم اين اي رهندڙ سائين اليڪشن وقت ته وڏا واعدا وچن ڪري ويندو آهي پر کٽڻ کانپو عوام سندس چهرو ڏسڻ لا به پريشان رهندو آهي هن تڪ جو ايم پي اي ڊاڪٽر رفيق احمد ٻانڀڻ جيڪو ٽيون ڀيرو ايم پي چونڊيو آهي پر جڏنهن به هتان جو عوام سندس وٽ ڪنهن ڪم لا ويو ته هي لفظ ٻڌي واپس ٿيڻو پيو ته سائين منهنجي ايوان ۾ هلي ئي ڪو نه ٿي پيپلز پارٽي جي گذريل ستن سالن کان حڪومت آهي پر جڏنهن انهن کان ڪو سوال ٿيو ته اهو چيو ويو ته اسين ته هاريل اميدوار آهيون . اٽي جي سبسڊي هجي برسات متاثرن لا آيل ٻج ڪلر هجي يا ڪو ترقياتي ڪم هن حڪومت ۾ جيڪا هن علائقي سان جٺ ٿئي ان جي به تاريخ گواه آهي . هاڻي هلون ٿا پنهنجي اصل مقصد يعني گيس بابت احتجاج ڏانهن هي آواز ڪو نئون نه آهي 1988 کان وٺي هن علائقي کي گيس ڏيڻ جا ڪوڙا آسرا ڏنا پيا وڃن . هاڻي تازو وڏي وزير قائم علي شاه پاران 2013 ۾ فيضگنج جي هڪ دوري دوران عوام کي ته ڪجه نه ڏنو پر هتان جي ڪامورن کي لولي پاپ ضرور ڏنو اهو پي پي جي اڳوڻي ضلعي صدر ساجد ٻانڀڻ ايم پي اي ڊاڪٽر رفيق ۽ پي پي سنڌ ڪائونسل جي ميمبر فقير بخت علي هيسباڻي جي مخصوص ڳوٺن لا گيس جي سهولت جو اعلان ڪيو ويو پر افسوس جو ان وقت ڪنهن به اڳواڻ کي فيض گنج جي ياد نه آئي سڀ ڪو پنهنجو پنهنجو حصو وٺي گهر روانو ٿيو. هاڻي جڏنهن هن تڪ جو عوام احتجاج تي آيو ته شايد ان ئي سبب متان کين شرمسار ٿيڻو پوي ان ڪري ڪو اڳواڻ هت اچڻ لا تيار نه آهي هاڻي ڏسڻو اهو آهي ته هي احتجاج ڪٿي دنگ ٿو ڪري سياستدانن جي ڪوڙ واري سياست ٿي کٽي يا عوام ....
تحرير نديم حسين چانگ
nadeemhussaichang@gmail.com
