سِپ موتي پيٽ ۾، ڪُڇي ڪين مهاءُ،
ڪڪڙ آنو ڪڙهه ۾، گهر گهر ڪري گواهه
سُر ڪارايل : بيت 52
ڪڪڙ آنو ڪڙهه ۾، گهر گهر ڪري گواهه
سُر ڪارايل : بيت 52
ڊزائن : شبير ڪنڀار
چونڊ ۽ تشريح : شبير احمد قريشي
سِپ جو ظرف ته ڏسو جو هيڏا قيمتي موتي ماڻڪ پيٽ ۾ کنيو گھمي ته به ماٺ ۾ آهي، واتان ٻڙڪ ٻاهر نه
ٿي نڪري ... ٻي طرف ڪڪڙ جا حال هي آهن جو پيٽ ۾ آنو اٿس ته ڪڙ ڪڙ ڪري دنيا کي پئي آگاهي ڏيندي وتي. شاهه سائين جو بي حد معني خيز ۽ حڪمت ڀريو شعر جنهن جي مناسبت سان سياڻن ڪيترائي قول ۽ محاورا چيا آهن. چوندا آهن ته سکڻي ڪني گھڻو اڀامي .. واقعي به هن دنيا ۾ جن جي جھولي ۾ ڪجھ نه آهي نه ظرف آهي نه ادب آهي نه ئي شرافت سي ئي سڀ کان وڌيڪ ڪڪڙ وانگر ڪڙ ڪڙ ڪندا ٿا وتن.
