ميڊرڊ (ع آ نيوز) سڄي دنيا ۾ ڪيترائي اهڙا هنڌ آهن جتي خاص نسل يا مذهب جا ماڻهو ئي داخل ٿي سگھن ٿا پر اسپين ويجهو هڪ اهڙي رياست به آهي جتي هڪ هزار سالن کان ڪا عورت ۽ هر قسم جي مادي جانورن جي داخلا تي پابندي آهي، پرڏيهي ويب سائيٽ موجب اسپين ۾ موجود جزيري ”مائونٽ ايٿوس“ نالي جابلو رياست 800 عيسويءَ کان آرٿوڊوڪس مسيحين جي لاءِ هڪ معتبر علائقو سمجھيو ويندو آهي، هي رياست ويٽي ڪن جيان پنهنجن مامرن جا اختيار رکندڙ آهي. ”مائونت ايٿوس“ ۾ سڄي دنيا کان آرٿوڊوڪس مسيحي راهباڻي زندگي گذري رهيا آهن، ان لاءِ هتي صدين کان ڪيتريون ئي اهڙيون روايتون ۽ پابنديون رائج آهن جيڪي دنيا جي ڪنهن به ملڪ يا خطي ۾ ناهن. ”مائونٽ ايٿوس“ ۾ ڪنهن به شخص جي بنا اجازت گھمڻ تي پابندي آهي، ان کان سواءِ هِن علائقي ۾ هڪ هزار سالن کان ڪا عورت يا مادي جانورن جي داخلا تي به پابندي آهي پر جيت ۽ پکي ان پابنديءَ کان آجا آهن، اهو ئي سبب آهي ته صدين کان ڪا عورت يا مادي جانور اتي داخل ناهي ٿي سگھيو.
